Kimyo fani bo‘yicha o‘zbekiston respublikasi uzluksiz ta’lim milliy o‘quv dasturlari ta’lim sifatini nazorat qilish davlat inspeksiyasi

c) Tajribalar o‘tkazish, kimyoviy jarayonlarni kuzatish va xulosalar chiqarish 
kompetensiyasi:
Har bir anorganik moddalar sinfi uchun maxsus reaksiyalar mohiyatini tushuntira 
oladi. Tegishli laboratoriya mashg‘ulotlarini ishning mohiyatini anglagan holda, mustaqil 
bajara oladi. Kimyo laboratoriyasida xavfsizlik qoidalariga rioya qilgan holda isitish 
vositalari, termometr, turli kolba va probirkalar, pipetka, suv sovitgichlari, suv hammomi, 
elektron tarozi, shtativlar, voronkalar va tegishli kimyoviy moddalar, indikatordan to‘g‘ri 
foydalanish malakasiga ega bo‘ladi.
8. Kompleks (koordinatsion) birikmalar va ularning xillari. Kompleks 
birikmalarda kimyoviy bog‘larning hosil bo‘lishi. Kompleks birikmalarning 
tuzilishi va xossalari. B1+(6 soat)
Kompleks birikmalarning tabiati. Kompleks birikmalarning nomeklaturasi. Verner 
nazariyasi. Kompleks birikmalarning turlari. Kompleks birikmalarda bog‘lanish turlari.
a) Kimyoviy jarayon va hodisalarni kuzatish, tushunish va tushuntirish 
kompetensiyasi:
Kompleks (koordinatsion) birikmalar va ularning xillari tuzilishi, nomlanishi, ulardagi 
kimyoviy bog‘ tabiati, ba’zi muhim kimyoviy xossalari (qizil va sariq qon tuzlari, mis 
va kumush ammiakatlariga xos reaksiyalar) bilan tanishadi. Kompleks birikmalarning 
ishlatilish sohalari, biologik ahamiyati (gemoglobin, xlorofill misolida) ni multimedia 
materiallari orqali tushuntirish tavsiya etiladi.
b) Kimyoviy bilimlar va asboblardan amaliyotda foydalanish kompetensiyasi:
O‘rganilgan kimyoviy bilim va tushunchalarni kundalik hayot va nostandart 
vaziyatlarda qo‘llay oladi. Olingan ma’lumotlarni yangi bilimlar olishda foydalana oladi. 
Mustaqil ravishda internet va qo‘shimcha adabiyotlardan mavzuga tegishli axborot to‘play 
oladi va yig‘ilgan ma’lumotlarni taqqoslash natijasida xulosa chiqara oladi. Kompleks 
birikmalarga tegishli reaksiyalarni molekular, to‘liq va qisqa ion tenglamalarini yozishni 
hamda tahlil qilishni biladi. Mavzuga oid eksperimental, anorganik birikmalar sinflari 
orasidagi genetik bog‘lanishlarga asoslangan sxemali masalalarni tahlil qila oladi. 
Standart matematik amallardan foydalanib, hisoblash masalalarini yecha oladi.