Kimyo fani bo‘yicha o‘zbekiston respublikasi uzluksiz ta’lim milliy o‘quv dasturlari ta’lim sifatini nazorat qilish davlat inspeksiyasi

Laboratoriya ishi.
1. Aminokislotalarga sifat reaksiyalari.
1. Kimyoviy jarayon va hodisalarni kuzatish, tushunish va tushuntirish 
kompetensiyasi:
Funksional guruhli organik birikmalar asosiy sinflarining umumiy formulalari, 
tuzilishi, izomeriyasi va nomenklaturasi haqidagi bilim asosida organik birikmalar 
tarkibini tahlil qila oladi, izomerlarni turli xil nomenklatura bo‘yicha nomlay oladi. 
Funksional guruhli organik birikmalarni olish usullarini laboratoriya va sanoat usullariga 
ajrata oladi, unumiy yuqori sanoat usullarini tushuntira oladi. Funksional guruhli 
organik birikmalarning kimyoviy xossalarini elektron tuzilishi, strukturasi bilan bo‘glab 
tushuntirib bera oladi. 
2. Kimyoviy bilimlar va asboblardan amaliyotda foydalanish kompetensiyasi:
Organik birikmalarning funksional guruhlariga xos bo‘lgan reaksiyalar o‘rganiladi, 
maxsus reaksiyalar orqali ularning kimyoviy faolligi taqqoslanadi. Har bir xossaning 
mohiyati tushuntiriladi, reaksiya sharoitlari tahlil qilinadi. Organik birikmalarning sifat 
va miqdoriy tarkibini aniqlash, hamda, tegishli reaksiyalarni o‘tkazish uchun malaka 
va ko‘nikmalar hosil qilinadi. Funksional guruh tutgan har bir sinf vakillarini sanoatda 
olinishi va turmushda ishlatilish sohalari haqida tushuncha hosil qilinadi. Mustaqil 
ravishda internet va qo‘shimcha adabiyotlardan mavzuga tegishli axborot to‘play oladi 
va yig‘ilgan ma’lumotlarni taqqoslash natijasida xulosa chiqara oladi.Olingan bilim 
asosida mavzu bo‘yicha tegishli masala va testlarni mustaqil bajara oladi. Mavzuga oid 
eksperimental,organik birikmalar sinflari orasidagi genetik bog‘lanishlarga asoslangan 
sxemali masalalarni tahlil qila oladi.
3. Tajribalar o‘tkazish,kimyoviy jarayonlarni kuzatish va xulosalar chiqarish 
kompetensiyasi:
Har bir funksional guruhli organik birikmalar sinfi uchun maxsus reaksiyalar 
mohiyatini tushuntira oladi.Tegishli laboratoriya mashg‘ulotlarini ishning mohiyatini 
anglagan holda, mustaqil bajara oladi. Kimyo laboratoriyasida xavfsizlik qoidalariga 
rioya qilgan holda, isitish vositalari,termometr,turli kolba va probirkalar, pipetka, suv
sovitgichlari, suv hammomi, elektron tarozi, shtativlar, voronkalar va tegishli kimyoviy 
moddalar, indikatordan to‘g‘ri foydalanish malakasiga ega bo‘ladi.