Kimyo bakalavr) 2021-2022 o’quv yili I semester uchun II kurs (III semestr) namangan – 2021

3. Kaliy geksasianoferrat K₄[Fe(CN)₆] Fe³⁺ ioni bilan «berlin lazuri» ning to’k ko’k tusli cho’kmasini hosil qiladi:

4Fe³⁺ + 3[Fe(CN)₆]^4-  Fe₄[Fe(CN)₆]₃

Eritmani o’rtacha kislotali muhitga keltirish Fe³⁺ ioni uchun muhim bo’lgan bu reaktsiyaning borishiga qulaylik tug’diradi. Eritmani kuchli kislotali muhitga keltirish yaxshi natija bermaydi: bunda ham, xuddi ortiqcha reaktiv qo’shilgandagidek, cho’kma erib ketadi. Ishqorlar ta’sirida berlin lazuri ‘archalanib, Fe(OH)₃ ajralib chiqadi.

Fe²⁺ionining reaktsiyalari

Ikki valentli temir tuzlarining eritmalari och yashil rangli, suyultirilgan eritmalari esa rangsiz bo’ladi.

1. NaOH va KOH o’yuvchi ishqorlar Fe²⁺ ionini Fe(OH)₂ holida cho’kmaga tushiradi:

Fe²⁺ + 2OH^-  Fe(OH)₂

CHo’kmaga tushirish havo kirmaydigan idishda o’tkazilsa, oq rangli Fe(OH)₂ cho’kmasi hosil bo’ladi. Odatdagi sharoitda u qisman oksidlanishi tufayli, xira – yashil tusli bo’ladi. CHo’kma rangining havoda tez o’zgarishini uni fil’tratdan ajratib olgandan keyin kuzatish qulayroq. Oksidlanishning so’nggi mahsuloti Fe(OH)₃ dir. Fe(OH)₂ ham xuddi Fe(OH)₃ ga o’xshash kislotalarda erib, ishqorlarda erimaydi.