Кимёвий жараёнлар энергетикаси

8-Mavzu: KIMYoVIY JARAYoNLAR ENERGETIKASI.

Reja:

1. 
   Kimyoviy reaktsiyalarning issiqlik effekti.
   
2. 
   Kimyoviy birikmalarning hosil bo’lish issiqligi.
   
3. 
   Lavuaze-Laplas qonuni
   
4. 
   Termodinamikaning ikkinchi qonuni va entropiya
   

Kimyoviy reaktsiyalarning issiqlik effekti.

Kimyoviy reaktsiyalar ko’pincha issiqlik va boshqa energiya turlarini yutish yoki chiqarish bilan sodir bo’ladi. Agar reaktsiya o’zgarmas bosimda olib borilsa, ajralib chiqqan yoki yutilgan issiqlik - reaktsiyaning o’zgarmas bosimdagi issiqlik effekti deb ataladi va Q_p­ bilan belgilanadi. Reaktsiya o’zgarmas hajmda olib borilganda esa uning issiqlik effekti Q­­­­_v­ bilan belgilanadi va u reaktsiyaning o’zgarmas hajmdagi issiqlik effekti deb yuritiladi. kimyoviy reaktsiyalarning energetik effektlarini o’rganuvchi soha termokimyo deb ataladi. Amalda reaktsiyalarning issiqlik effekti kalorimetr yordamida aniqlanadi.

Issiqlik chiqarish bilan sodir bo’ladigan reaktsiyalar ekzotermik, issiqlik yutilishi bilan boradigan reaktsiyalar esa endotermik reaktsiyalar deb ataladi. O’lchov birligi Joul (J) va kiloJoul (kJ) (kalloriya va kilokalloriyadan ham foydalanish mumkin).

Reaktsiyaning o’zgarmas bosimi Q­­­_p­­ va o’zgarmas hajm (Q­­­­_v­) dagi issiqlik effekti tushunchalarini to’la tushuntirish uchun termodinamikaning birinchi qonunidan foydalanamiz.