Кимёвий жараёнлар энергетикаси

Qutbli (polyar) bog’lanish:

Elektromanfiyligi bir xil bo’lmagan ikki atom orasida kimyoviy bog’ hosil bo’lsa, umumiy elektron jufti bu ikki atomga nisbatan simmetrik joylasha olmaydi. SHuning uchun ular qutbli molekulalar deb ataladi; ular ikki qutbli bo’lganligi uchun ularga dipolь degan nom ham berilgan.

Ikki yadro orasida nosimmetrik joylashgan elektron juft tufayli hosil bo’lgan kovalent bog’lanish qutbli kovalent bog’lanish deyiladi. Bularga misol H₂O, HF, CO₂ .

Metall bog’lanish.

Metall atomida valent elektronlar soni u qadar ko’p emas, lekin metall atomida elektronlar bilan to’lmagan orbitalar ko’p. Valent elektronlar metall atomining yadrosi bilan zaif bog’langan. SHuning uchun ular metalning kristall panjarasidagi metall ionlari orasida erkin harakat qiladi. Metall tuzilishini quyidagicha tasavvur qilish kerak: metallning kristall panjarasi tugunlarida musbat zaryadli metall ionlari zich joylashgan bo’lib, atomlarning valent elektronlari panjara ichida erkin harakat qiladi.