Кичик гуруҳ (3-4 ёш)

Қуриш-ясаш. Болаларда қуриш-ясаш фаолиятига нисбатан қизиқишни тарбиялаш, 
уларни ўзлари яратган қуриш-ясаш объектини бирмунча жўнроқ тарзда бўлсада, таҳлил қила 
олишларига эришиш. Асосий қурилиш материалларини (кубик, ғиштча, пластина, цилиндр, 

---

42 
уч қиррали призма кабиларни) фарқлаш, номини айтиш ва қўллай олишга ўргатиш. 
Деталларни горизонтал тарзда жойлаштиришни ўргатиш (машина учун йўл). 
Болаларни қуриш-ясаш деталларини горизонтал (кенг, узун тарафи билан – машина 
йўли қуриш) ва вертикал (айланасига қаторлаштириб қўйиш - девор) тартибда тахлай олиш, 
бир-бирининг устига мустаҳкам қилиб тахлаш ҳамда маълум бир оралиқда қўя олиш 
(дарвоза), тарбиячининг кўрсатмасига мувофиқ соддароқ қуриш-ясаш ишларини амалга 
ошириш, илгари эгалланган малака ва кўникмаларига таяниб, янги қурилиш ишини амалга 
ошириш ва ўзи қурган қурилиш объекти билан боғлиқ ўйин турини ўйнай олишга ўргатиш.
Қуриш-ясаш ишларига янги деталлар киритиш орқали болалар учун кўп вариантли 
шарт-шароитларни яратиш, масалан, мазкур ишларни 2 хил усулда ўзгартириш: бирор 
детални бошқасига алмаштириш ёки баландлиги ва узунлигини қўшимча қўшиш орқали 
тўлдириш, кенгайтириш, узайтиришни таклиф қилиш (баланд ва паст минора). 
Болаларни ўзлари қурган янги қуриш-ясаш объектида ўйнашга, сюжетли тарзда бир 
қуриш-ясаш объектини бошқаси билан бирлаштиришга ўргатиш: масалан, уй, йўлак ва кўча; 
стол, стул ва қўғирчоқлар учун диван-мебель кабилар. 
Болаларда ўз режалари асосида қуриш-ясаш ишларини амалга ошириш ҳоҳиш-истагини 
ривожлантириш. 
Ўйин тугагач, қуриш-ясашда ишлатилган барча материалларни тартиб билан бузиб 
олиб, уларни сақлаш қутисига қайтадан тартиб билан тахлаб қўйишга ўргатишни давом 
эттириш. 
 
Ўқув йили охирида бола:  
- Расм солиш учун зарур материалларни билиш ва номини айта олиш, қалам, 
фломастер, мўйқалам ва бўёқдан тўғри фойдалана билиш; 
-
Оддий чизиқлар, илгаклар нусхаларини кўчириш; 
- Ҳамро буви халқ ўйинчоқларининг номини билиш (қўзичоқ, тулпор ва ҳ.к.); 
- алоҳида нарсалар ва оддий сюжетлар тасвирини ярата билиш, нарса ва сюжет 
тасвирлари учун ранг танлай олиш; 
- пластик материаллар (лой, пластина, пластик масса)нинг хусусиятлари, ундан 
қандай нарсалар ясаш мумкинлиги (2-3 шакл бўлакларидан кафтларнинг 
айланма ёки тўғри ҳаракати, шакллар четини бармоқ учи билан ёпиштириш 
орқали турли-туман ёки бир хил шаклли нарсалар ясаш) ни тушуниш; 
- лойдан тартибли фойдаланиш, уни қўллаш учун алоҳида тахтача ишлатиш; 
- тайёр фигуралардан тасвирий материаллар яратиш, табиий ва геометрик 
шакллардан безакли композициялар яратиш ва аппликацияни безаш; 
- ҳоҳишига кўра яратган композицияга мослаб ранг танлай билиш; 
- асосий қуриш-ясаш материаллари (кубик, ғиштчалар, пластина, цилиндр, уч 
қиррали призма кабилар)ни билиш ва номини айта олишлари; 
- ғишт ва пластиналарни вертикал тартибда тахлай олиш, қўшимча детал 
қўшиш ёки бирини бошқаси билан алмаштириш орқали қуриш-ясаш
ишларини ўзгартиришни билиш; 
- қуриш-ясаш қисмларининг ҳажмини: катта-кичик, баланд-паст, узун-қисқа, 
кенг-тор каби тушунчаларни билишлари лозим.