Кичик гуруҳ (3-4 ёш)

Ҳаракатли ўйинлар. Болаларни ўзларига таниш бўлган ҳаракатли ўйинларни мустақил 
тарзда ташкиллаштиришга ўргатишда давом этиш. Мусобақа элементлари мавжуд бўлган 
ўйинларда иштирок этишга ўргатиш. Болаларни халқ ўйинлари билан таништириш.
Тенгдошлар билан мустақил ўйнаганда ростгўйликни, холисликни тарбиялаш. 
Театрлаштирилган ўйинлар. Болаларни ўйин ҳаракатларига фаол тарзда жалб қилиш 
орқали театрлаштирилган ўйинларга бўлган қизиқишларини ривожлантиришда давом этиш. 
Болаларда ўзларини турли ролларда синаб кўриш истагини ҳосил қилиш. 
Ҳар бир болага чиқиш қилиш ва ўйин жараёни бўйича фикр билдиришга имкон бериш 
орқали ижодий ва ишончли муҳитни яратиш. 
Болаларни мавжуд барча имкониятларни қўллаган ҳолда спектакль ва концертни 
тайёрлаш ва ўтказиш учун ижодий гуруҳлар тузишга ўргатиш.
Ўз қўллари билан яратилган анжомлар ва кийимлардан фойдаланган ҳолда роль бўйича 
ўзини тутишга ўргатиш. 
Мустақил ижодни, ролда ўзини эркин сезишни рағбатлантириш.
Артистлик сифатларини тарбиялаш, концерт, цирк, спектакллардан саҳналар қўйиш 
каби театрлаштирилган томошаларга болаларни жалб қилиш орқали уларнинг ижодий 
имкониятларини очиш. Болаларнинг тенгдошлари, ота-оналари ва бошқа меҳмонлар олдида 
чиқиш қилишларига имкон бериш. 
Таълимий ўйинлар. Болаларни 2-4 тадан гуруҳчаларга бирлаштирган ҳолда таълимий
ўйинларни ташкил этиш; ўйин қоидаларига риоя қилишга ўргатиш. 
Болаларнинг хотираси, диққати, тасаввури, тафаккури, нутқи ва сенсор 
қобилиятларини ривожлантириш. Нарсаларни қиёслашга, уларнинг белгиларидаги (ранг, 
ўлчам, материалидаги) арзимас фарқларни сезишга, нарсаларни умумий белгилари бўйича 
бирлаштириш, қисмлардан бутунни (йиғма кубчалар, мозаика, пазллар) йиғиш, нарсалар 
жойлашувидаги ўзгаришларни (олдинда, орқада, ўнгда, тагида, устида, ўртасида, ёнида) 
аниқлашга ўргатиш. 
Турли-туман таълимий ўйинлар ва ўйинчоқлар билан (халқ, электрон, компьютер 
ўйинлари ва б.) ишлаш истагини шакллантириш. 
Ўйин ҳаракатларига нисбатан ижобий ҳиссий муносабат ҳосил қилган ҳолда болаларни 
ўйинда мустақил бўлишга ундаш. 
Гуруҳ бўлиб ўйин ўйнаш қоидаларига риоя қилишга ўргатиш. Ижодий мустақилликни 
тарбиялаш. Дўстона муносабат, интизом каби сифатларни шакллантириш. Ўйин-
мусобақалардаги адолатли рақобат маданиятини шакллантириш.