Кичик гуруҳ (3-4 ёш)

Мувозанат сақлаш учун машқлар. Тўғри юриш, илон изи йўлакчадан, тўғри, илон 
изи, доира бўйлаб ташлаб қўйилган арқончадан, бир томони полдан кўтариб қўйилган 
тахтачадан, гимнастика ўриндиғи устида юриш.
Усти силлиқланган тахта бўйлаб, гимнастика ўриндиғи устида эмаклаб юриш. 
10-15 см баландликдаги тўсиқлардан: халқадан - халқага, яшикдан- яшикка сакраб 
ўтиш, табуретка (25 см. баландликдаги), ўриндиқ устига чиқиш, қўлларни икки ёнга узатган 
ҳолда туриш. Оёқ учида кўтарилиш ва яна дастлабки ҳолатга қайтиш. Турган жойида аста-
секин айланиш. 
Умумривожлантирувчи машқлар. Қўл ва елка ўмров мускуллари учун машқлар, 
қўлларни юқорига кўтариш, юқорига ва ёнга букиш ва чўзиш, кўкрак олдида чалиштириш 
ва ёнга узатиш, қўлларни орқага яшириш, чапак чалиш, бош устида чапак чалиш, қўлларни 
олдинга ва орқага силташ (қўллар пастда), пастга-юқорига (қўллар ён ҳолатда), қўлларни 
бош устида ва олдинга силкитиш. Шунингдек, машқларни турли хил предметлар 
(шақилдоқлар, кубиклар, лентачалар, рўмолчалар) билан турлича ҳолатларда бажариш. 
Оёқлар учун машқлар. Турган жойида юриш, олдинга, ёнга, орқага қадам ташлаш. 
Оёқ учида кўтарилиш, оёқни олдинга қўйиб, товон билан туриш, оёқ бармоқларини 
қимирлатиш. 
Гавдани ривожлантирувчи машқлар. Ўнг ва чапга ўгирилиш, қўлларни енгил 
силкитган ҳолда предмет ёнида турган болага узатиш. Олдинга ва турли томонга энгашиш.
Полда ўтирган ҳолда оёқларни букиш ва ёзиш. Чалқанча ётган ҳолда оёқларни юқорига 
кўтариш ва тушириш, қўллар ва оёқларни бир вақтда биргаликда қимирлатиш. Тиззалаб 
ўтириб, товонда ўтириш ва туриш. Қорин билан ётган ҳолда қўлларни ва оёқларни кўтариш, 
ёнбошдан-ёнбошга ағдарилиш. 

---

15 
Сафланиш ва қайта сафланиш. Тарбиячи ёрдамида гуруҳлар ва бутун гуруҳ билан 
айлана бўйлаб сафланиш, жуфт-жуфт бўлиб сафланиш, бир-бирининг кетидан туриш.