Кичик гуруҳ (3-4 ёш)

Овқатланиш гигиенаси: 
- тўғри овқатланиш тартибига риоя қилиш; 
- мустақил равишда овқат ейишга интилишни намойиш этиш, “Қошиқда 
овқатлантириб қўйиш” таклифидан воз кечиш; 
- овқатланаётган пайтда бадан аъзоларига қўл теккизмасликка, қошиқни ўнг 
қўл билан ушлаб, тўкмасдан ейишга ўргатиш; 
- мустақил равишда овқатланаётганда, сочиқчадан фойдаланаётганидан 
қувониш. Чиройли қилиб тузалган стол, мазали овқатларни илғай билиш; 
- овқатланиш қоидаларига риоя қилиш: овқатни шошилмасдан, яхши чайнаб 
ейиш, гаплашмаслик, шўрва, чойни тўкмаслик; 
- овқатланиб бўлгач, “раҳмат” айтиш. 
 
 

---

17 
Маданий – гигиеник кўникмаларни эгаллаш ва ўз-ўзига хизмат қилиш: 
- шахсий гигиена кўникмаларини ривожлантириш ва мустаҳкамлаш: енгни ўзи 
шимариб, қўл ва юзни ювиш, совундан тўғри фойдаланиш, юз ва қўлларни 
артиш; 
- муайян тартибда ечиниш ва кийиниш, кийимларни яхшилаб тахлаб қўйишга 
ҳаракат қилиш; 
- тугмаларни қадаш, пойабзал ипларини боғлай олишга ҳаракат қилиш; 
-ўз буюмларини билиш; 
- ўйин давомида ювиниш, кийиниш, овқатланиш жараёнларини акс эттириш: 
ўйинчоқларни овқатлантириш, кийинтириш, чўмилтириш, ўзининг севимли 
қўғирчоқларини тўғри овқатланиш, ювинишга ўргатиш; 
- қўғирчоқлар билан ўйинларни намойиш қилиш давомида қўғирчоқ қандай 
қилиб тўғри кийинишини кўрсата билиш; 
- катталар билан биргаликда ўйинчоқларни жойига олиб қўйиш, кийимларни 
осиб қўйиш, оёқ кийимини жойига тахлаб қўйишга одатлантириш. 
Ўзига хос гигиена: 
- тоза чойшаб, кўрпа – тўшакда, шамоллатилган хонада ухлаш, эрталаб
бадантарбия ва сув муолажаларини ўтказишга одатлантириш; 
- ичак ва қовуқни ўз вақтида бўшатиб туришга ўргатиш: ҳожатхонадан 
эҳтиёткорлик билан фойдаланишга одатланттириш; 
- тирноқ, қалам ва бошқа нарсаларни тишламаслик, қўлларни, лабни ва бошқа
буюмларни сўрмаслик.