Кичик гуруҳ (3-4 ёш)

Ўқув йили охирида бола: 
- катталар ва тенгдошларининг нутқини тинглайди ва тушунади;
- нутқда ўз хатти-ҳаракатларини ифодалайди; 
- уй-рўзғор буюмларининг номи ва вазифаларини, табиат ва жамият 
ҳаётидаги айрим ҳодисаларни айтиб беради;
- нутқда отларни кўпликда тўғри ишлатади, сифатларни от билан шахс 
ва сонда мослаштиради, феълларни ўтган ва келаси замонда ишлата 
олади;
- ўйинчоқлар, турли буюмлар, йил фасллари ва расм мазмуни бўйича 
тасвирловчи ҳикоя туза олади; 
- буюмларнинг (кийим, идиш, мебель) номи, белгиси ва вазифалари 
бўйича (тарбиячининг саволлари ва намуна асосида) кичик ҳикоялар 
тузади; 
- қисқа эртак ва ҳикояларни мустақил қайта сўзлаб беради; 
- таниш эртак ва расмлар мазмуни бўйича берилган саволларга аниқ 
жавоб беради; бадиий асарни муҳокама қилади ва саволлар беради; 
- эртак ва ҳикояларни диққат билан тинглайди, қаҳрамонларга, 
эшитган ва кўрган воқеаларига нисбатан ўз муносабатини (яхши, 
ёмон, одобли, одобсиз) билдиради; қўшимча изоҳлаб беришни 
сўрайди;
- эртакларнинг ўзига хос хусусиятлари (бошланма, тугалланма) 
ҳақида тасаввурга эга;
- саккиз қатор шеърни ёдлай олади ва ифодали айтади;
- таниш асардан бир парча тинглаб, қайси асар эканлигини айтади;
- китобдаги расмларга асосланиб, адабий асарнинг мазмунини сўзлаб 
бера олади; 
- расмга қараб, сўз бирикмалари, 2-3 та сўздан иборат гап туза олади; 

---

93 
- тез-тез учрайдиган рамзий белгилар, сўзлар, логотипларни танийди; 
- ўзидан кичик болалар ёки ўйинчоқлар учун китоб ўқиб беришга 
тақлид қилади; 
- китоб ўқиб берилаётганида, саҳифани горизонтал йўналиш бўйлаб 
кузатиб боради; 
- “сўз” ва “товуш”лар маъносини тушунади, уларни ўйинларда, 
амалий машқларда қўллай олади; 
- оддий чизиқлар, илгаклар, белгилар нусхаларини кўчира олади; 
- китобни авайлаб, эҳтиётлайди.