Кичик гуруҳ (3-4 ёш)

Миқдор, катталик. Болага буюмларнинг катта-кичиклиги бўйича 
гуруҳларга ажратишни, бир турдаги буюмлардан гуруҳ тузишни, “катта-
кичик”лигини таққослаб аниқлашни ўргатиш. “Катта”, “кичик” 
сўзларининг маъносини тушунтириш. 
Кескин фарқ қилувчи ва бир хил ўлчамдаги икки буюмнинг 
баландлиги ва энига кўра қиёслаш ҳамда қиёслаш натижаларини “баланд”, 
“паст”, “бир хил” сўзлари билан белгилаб айтишни, буюмларнинг 
ўлчамини аниқлашда ажратилган белгилари (“узун-калта”, “тор-кенг”) 
бўйича қиёслаб, устига ва ёнига қўйиш усулларидан фойдаланишни, катта-
кичик, узун-калта, баланд-паст, кенг-тор сўзларининг маъносини тушуниш 
ва нутқда тўғри қўллашни ўргатиш. 
Геометрик шакл. Доирани таниш ва номини айтишни, уни сезиш, 
ҳаракат ва кўриш йўллари билан текшириш усулларини ўргатиш. 
Квадрат билан таништириш. Доира ва квадратни фарқлаш ҳамда 
айтишни – сезиш, ҳаракат ва кўриш усуллари орқали ўргатиш. 
Болага шар ва куб ҳақида тушунча бериш ва турли топшириқлар 
ёрдамида шар ва куб ҳақидаги билимларни мустаҳкамлаш.
Учбурчакни таниш ва номини айтишни, уни сезиш, ҳаракат ва кўриш 
йўллари билан текшириш усулларини ўргатиш. 
Болага буюмларни кузатиш, уларнинг жойлашуви, белгилари, 
ўлчамларига эътибор қаратиш имкониятини бериш, буюмларнинг 
белгиларини саралайдиган ўйинлар ташкил этиш, уларнинг ўлчами, шакли 
ва рангини солиштириш ҳамда ўртасидаги тафовутлар тўғрисида сўзлаб 
беришни илтимос қилиш.
Фазода мўлжал олиш. Ўнг ва чап қўлни фарқлаш ва айтишни, буюм 
(ўйинчоқ)ларни ўнг қўл билан чапдан ўнгга қўйишни ўргатиш. 
Болага жиҳозларнинг жойлашган ўрни ҳақида саволлар билан 
мурожаат қилиш. Мустақил ҳолда ўз ўйинчоқларини тартибга (машина ва 
коптокни стол остига, кийимини шкафга, …) солишга одатлантириш. 
Буюмларнинг ўзига нисбатан жойлашишини аниқлашга, “яқин-узоқ”, 

---

66 
“тепада-пастда”, “орқада-олдинда” сўзларини нутқда тўғри қўллашга 
ўргатиш.