Кичик гуруҳ (3-4 ёш)

Вақт бўйича илк тушунчалар. Болада сутка қисмлари (эрталаб, 
кундузи, кечқурун, тун)ни айтиш ва фарқлаш кўникмасини таркиб 
топтириш. 
Қуриш-ясаш. Болага содда воқеабанд ўйин масалаларини лойиҳалаб 
оддий қурилмаларни: “лего” туридаги бўлаклардан моделлар, 3-4 та 
қисмли пазлларни йиғишни ўргатиш. 
Бола эгаллаган билим ва кўникмалар қуйидаги ўйинлар орқали 
мустаҳкамланади: “Ким тўғри кўрсатади ва айтади?”, “Рангли доиралар”, 
“Сеҳрли халтача”, “Пазл”, “Ўз уйингни топ”, “Ўнг томонга бир қадам, чап 
томонга бир қадам”, “Кимга қанча?”, “Кўп, оз, битта”, “Қайси қўлимда 
кўп?”, “Қанча бўлса, шунчани кўрсатинг”, “Тез юрар поезд”, “Дўкон”, 
“Шунча ҳалқани топинг”, “Қопчада қанча доира бор?”, “Юқорида-пастда”, 
“Ўнг-чап”, “Қайси қўл билан тезроқ?”, “Олдинга-орқага”, “Пастда-тепада”, 
“Узун-калта ленталар”, “Катта ва кичик”, “Қайси шаклни қўямиз? ”. 
Ўқув йили охирида бола:
- “кўп” ва “битта” буюмларни ажратади, “битта”, “кўп”, “кам”, “тенг”, 
“шунча” сўзларини ўз ўрнида қўллай олади; 
- катта-кичик, узун-калта, баланд-паст, кенг-тор буюмларни ўлчамига 
қараб ажратади, уларнинг ўлчамларини айтади; 
- теварак-атрофдан битта, кўп ва ўхшаш буюмларни топа олади; 
- 2 гача санайди (иккита олма беришни сўрайди, биттасини ўртоғига 
беришни хоҳлагани учун); 
- доира, учбурчак ва квадратни билади ва номларини айта олади; 
- шар ва кубни билади; 
- “яқин-узоқ”, 
“орқада-олдинда”, “тепада-пастда”, “ўнгда-чапда” 
сўзларини тушунади ва нутқда тўғри қўллайди; 
- мустақил ҳолда ўз ўйинчоқларини тартибга солади (машина ва 
коптокни стол остига, кийимини шкафга, …); 
- сутка қисмлари (эрталаб, кундузи, кечқурун, тун)ни фарқлайди; 
- лего туридаги ўйин бўлакларидан содда моделлар йиғади; 
- 3-4 қисмли пазлларни йиғади. 
 
Атроф-муҳитни ўрганиш ва англаш