Кичик гуруҳ (3-4 ёш)

(
6 ойликдан – 12 ойликкача
) 
Элементар математик кўникмалар ва билимларни ривожлантириш.
Боланинг ўйинчоқлар билан мустақил тажриба қила бошлашини 
(ушлаб олади, босади, очади, солади, чиқаради, қайтадан теради) 

---

22 
маъқуллаш, тажриба қилиши учун унга турли миқдордаги ҳар хил 
ўйинчоқларни бериш, турли ўлчамдаги кубикларни олиб, уларни катта- 
кичиклиги бўйича тартибга келтириш кераклигини кўрсатиш. 
Пиёлани олиб, унинг ичи бўш эканлигини, кейин, унга сув қўйиб 
пиёланинг ичи тўла эканлигини болага тушунтириш.
6-12 ойлик боланинг хавфсиз яшаши ва ҳаракатланишини 
таъминлаш учун унга пластмасса, резина, силлиқ ёки тукли матолардан 
ясалган, узунлиги 20 см дан катта бўлмаган ўйинчоқларни бериш мақсадга 
мувофиқ.
Болага мўйнадан ясалган ўйинчоқларни бериш тавсия этилмайди. 
Йил охирида бола: 
- ўйинчоқлар ва буюмлар билан турли ишлар бажаради (ушлаб олади, 
чиқаради, қайтадан теради, босади, очади); 
- бўш пиёлани олиб, ичига сув ёки шарбат қуйишларини сўрайди; 
- катта ёшдагилар ёрдамида бир неча ўйинчоқларни ўлчамлари бўйича 
гуруҳларга ажрата олади. 
 
Атроф-муҳитни ўрганиш ва англаш 
(
6 ойликдан – 12 ойликкача
) 
Боланинг атрофни кузатишига, нарса ва ўйинчоқлар билан турли 
ҳаракатлар бажариб (томоша қилади, иккита буюмни бир-бирига уриб 
ҳосил бўлган овозни тинглайди) ўрганишига шароит яратиш. Бирор 
буюмдан энг мақбул йўл билан фойдаланиш усулини кўрсатиш ва 
тушунтириш, атрофдаги янги нарсаларни кўрсатиш ва қандай муносабат 
билдиришини кузатиш, янги ўйинчоқ ва буюмлардан фойдаланиб 
биргаликда ўйнаш. 
Боланинг чўмилиш ва сувдан завқланишини рағбатлантириш. 
Кичкинтойнинг диққатини бошқа одамлар ёки расмлардаги инсон 
тана аъзоларига қаратиш, уларнинг номини айтиш ва ўзининг тана 
аъзоларини кўрсатишга ўргатиш. 
Болага турли овозлар (чиқ-чиқ, тақ-тақ, би-бип)га тақлид қилиш ва 
айрим ҳаракатларни такрорлашга ёрдам бериш.