Кичик гуруҳ (3-4 ёш)

Йил охирида бола: 
- яқин кишилари билан мулоқот қилишда ташаббус билдиради 
(кўзларига қараш, жилмайиш, ёпишиш, қўлларига чиқиб олишга 
ҳаракат қилиш, енгини тортиш); 
- таниш чеҳраларни топиш учун кўрсатма бўйича атрофига қарайди;
- унга яқин одамларнинг овозига тақлид қилади; 
- саломлашиш вақтида ўнг қўлини кўксига қўяди ва хайрлашиш 
вақтида қўлини силкитади; 
- бошқа боланинг ҳаракатларини кузатади, кулади ёки йиғлайди, 
тенгдошларига фаол тақлид қилади; 
- катталарнинг мурожаатларига жавоб беради, маъқул бўлмаганларини 
инкор этади;
- бошқа бола билан мулоқот қилишга қизиқиш билдиради, қувонади, 
завқланади (жилмайиш, кулиш); 
- имо-ишорадан фойдаланади, бирор хавф юзага келганда яқин 
одамдан ёрдам сўрайди; 

---

20 
- катталарнинг ҳаракатларини кузатади, тақлид қилади ва уларнинг 
сўзлари бўйича турли ҳаракатларни бажариш орқали жавоб 
қайтаради; 
- ўйинчоғини бошқа болаларга таклиф қилади, лекин бошқа бола 
ундан ўйинчоғини олиб қўйса, йиғлайди, норозилик билдиради; 
- исмини билади, чақирганда қарайди, имо-ишора, товушлар билан 
жавоб қайтаради; 
- катталарнинг тана аъзолари (бош, қўллар, оёқлар, бурун) ҳақидаги
“қани?” деган саволига уларни кўрсатиб жавоб қайтаради; 
- кўзгудаги аксига жилмаяди, ўзининг қаердалигини сўралганда, 
кўзгудаги аксини кўрсатади; 
- қарама-қарши 
кайфиятли (қувноқ-сокин, тез-аста) мусиқага 
нисбатан ҳиссий муносабат билдиради; 
- ўзи хоҳлаган нарсага эришганда завқланади ёки ёқтирмайдиган нарса 
(таом, ўйинчоқ) берилганда, норозилик билдиради; 
- ҳиссиётлар билдирилганда, жавоб қайтаради, юришни бошлаётганда, 
маъқуллашларга жавобан жилмаяди, севинади; 
- атрофдагиларнинг кулгисини уйғотган ҳаракатларга тушуниб ўз 
ташаббусига кўра такрорлайди;
- бошқаларнинг эътиборини сезганда чапак чалади, хурсанд бўлади, 
қувонади, маълум товуш ва ҳаракатларни такрорлайди; 
- узоқроқ турган буюмга етиб олишга қаттиқ интилади ва ниҳоят етиб 
олганда мамнун бўлади.