Кичик гуруҳ (3-4 ёш)

Йил охирида бола: 
- турли овозларга (одам овози, мусиқа) муносабат билдиради 
(тебранади, рақсга тушишга ҳаракат қилади); 
- бирор-бир асбоб, товуш чиқарадиган ўйинчоқ ёки телевизордаги 
ёқтирган овозига тақлид қилади; 
- фотосурат ёки турли расмларга диққатини қаратади. 
Ўйин фаолияти 
(6 ойликдан – 12 ойликкача) 
Боланинг сенсор тажрибаларини таркиб топтиришда давом этиш. 
Аста-секин турли шаклдаги буюмлар билан ўйнашга қизиқтириш. Ўзакка 
2-3 та бир хил ўлчамдаги ҳалқани кийдириш ва пирамида йиғишга; 
нарсаларнинг ўлчамига (катта-кичик), рангига (қизил, кўк) қараб улар 
билан қизиқарли тарзда ўйнашга ўргатиш. Дидактик ўйинчоқлар билан 
ўйнаш (шарни думалатиш, қутичани очиш-ёпиш, қутичадан буюмларни 
олиш-солиш)га қизиқтириш.
Боланинг стол тагидаги ўйинчоқни олиш учун қилаётган
ҳаракатларини, энгашиши, катталарнинг ёрдамисиз мустақил туриб олиши 

---

24 
(гавдасини тўғрилаши)ни; ёқтирган ўйинчоғи томон эмаклаб боришини 
рағбатлантириш. 
Бир қўли билан ўйинчоқни ушлаб, иккинчи қўли билан уни ўйнашга; 
турли ҳажмдаги ичи бўш идишларни бир-бирига солишга, бўш қутичага 
тегишли ўлчамдаги ўйинчоқларни солишга ўргатиш. 
Буюмларни ҳажм жиҳатидан фарқлаш: катта-кичик ҳалқаларни 
кўрсатиш ва биргаликда 2-3 та халқадан иборат пирамида йиғишни 
ўргатиш.
Шаклига қараб елим идишга мос қопқоқлар танлаш, дидактик қутича 
(“Сеҳрли қутича”) тешикларига тўғри келадиган шаклларни (доира, 
квадрат) топиш ва мослаштиришни машқ қилдириш.
Эшитиш ва кўриш қобилиятини ривожлантирадиган қизиқарли 
таълимий ўйинлар ўтказиш (“Уйчада ким яшайди?”, “Ниманинг овози?”, 
“Ким чақиряпти?”).
Дидактик ўйинчоқлар, кичик қурилиш материаллари билан мустақил 
ўйнашга имкон бериш.