Кичик гуруҳ (3-4 ёш)

5-6 ёшли болалар билан ўтказиладиган эрталиклар 
 
№ Эрталиклар 
Ўтказиш вақти 
1. 
Мустақиллик байрами 
25-август-30-август 
2. 
Ўқитувчи ва мураббийлар куни 
25-сентябр-1-октябр 
3. 
Ҳосил байрами 
25-октябр-5 ноябр 
4. 
Янги йил
25-декабр-30-декабр 
5. 
Онажонлар байрами 
5-7 март 
6. 
Наврўз байрами 
20-март-20-апрел 
7. 
Халқаро болаларни ҳимоя қилиш куни 
1-июн 
 
Ўйин фаолияти 
(5-6 ёш) 
Боладаги ижодкорлик лаёқатини, ўйин учун ғоялар ўйлаб топишини, 
янги ўйинлар ташкил этиш истагини рағбатлантириш. Болани 
тенгдошлари билан аҳил ўйнашга, ўйинчоқлари билан ўртоқлашишга 
одатлантириш. 
Болага ўйинларда ўз имкониятини ҳаққоний баҳолашга ва 
аччиқланмасдан мағлубиятни тан олишни ўргатиб бориш. 

---

149 
Воқеабанд–ижроли ўйинлар. Боланинг ўйин жараёнида атроф-оламни 
идрок этишга, инсоний муносабатларни англашга, касблар ҳақидаги 
тушунчаларини янада бойиб боришига эътибор бериш лозим.
Болага бадиий асарлар, телекўрсатувлар, экскурсиялар, кўргазмалар, 
саёҳатлардан 
олган 
таассуротлари 
асосида 
ўйин 
мавзусини 
ривожлантиришни ўргатиш. Ўйинларда воқеалар, ҳаётий вазиятлар, 
катталар меҳнатига тақлид қилиш, иштирокчилар сонига қараб, турли 
ахборот манбаларидан (кино, адабиёт, экскурсия) фойдаланиб ўйин 
мазмунини кенгайтириш ва бойитиш, ўйинда ўринбосар нарсалардан 
фойдаланиш кўникмаларини шакллантириш. 
Болани ўйин мавзуси бўйича тенгдошлари билан келишишга; 
ролларни тўғри тақсимлашга, тенгдошларига ўйин қоидаларини 
тушунтиришга, керакли жиҳозларни тайёрлашга, ҳаракатлар кетма-
кетлигига риоя этишга, биргаликда уюшиб ҳаракат қилишга; бир-бирига
ён беришга, ўйин давомида юзага келадиган баъзи зиддиятларни мустақил
бартараф қилишга ўргатишда давом этиш.
Болага ўйин сюжетига мос тарзда қандай ҳаракатланиш
лозимлигини олдиндан келишиш, мўлжаллаш, бирлашувчи сюжет 
йўналиши (таниш ўйинни янгича фикрлар билан бойитиш; иштирокчилар, 
анжомларни ўзгартириш, ўринбосар нарсаларни киритиш ёки роллар 
таркибини кенгайтириш в.б.) ҳисобига ривожлантириш орқали ўйинни 
янада қизиқарлироқ бўлишига эришишни ўргатиш. 
Боланинг ижодий жиҳатдан ўзини намоён қилишига, янги 
ўйинларнинг юзага келиши ва ривожланишига; ўйин учун зарур бўлган 
қурилмаларни жамоа бўлиб ясашига, ишни режалаштиришига, 
мўлжалланган ишни охиригача етказишига шароит яратиш. Машғулотлар 
давомида эгаллаган билим ва кўникмаларини амалда қўллашга ўргатиш.
Ўйинчоқларни ўз жойига йиғиштириб қўйишга одатлантириш.