Кичик гуруҳ (3-4 ёш)

Эмаклаш ва ўрмалаб чиқиш машқлари. Эмаклаб юриш, қоринда ва 
елка билан ётиб қўлларга таяниб ҳамда оёқларни итариб хона бўйлаб 
эмаклай олиш; гимнастика курсиси устидан ўрмалаш, гимнастика 
нарвончасидан, зинадан чиқиш ва тушиш, тўсиқлар устидан ўтиш.
Умумривожлантирувчи машқлар. 
Қўл ва елка учун машқлар. Дастлабки ҳолат: гавда тик тутилган, 
оёқлар елка кенглигида очилган, қўллар кўкрак олдида; қўллар елкада; 
тирсаклар туширилган биринчи ҳолатдан ён томонга чўзиш, қўлларни 
тирсакдан букиш ва тўғрилаш иккинчи ҳолатдан қўлларни юқорига 
кўтариш, қўлларни бош орқасига қўйган ҳолатдан ён томонга ёзиш, 
юқорига кўтариш, бармоқларни қулф қилган ҳолда қўлларни олдинга ва 
юқорига кўтариш, иккала қўлни галма-гал, бир вақтда юқорига кўтариш ва 
орқага узатиш, бармоқларни букиш ва ёзиш.
Оёқ учун машқлар. Турган жойда қадам ташлаш; кетма-кет бир неча 
марта ўтириб туриш, оёқ бармоқлари билан майда нарсаларни қисиб олиб 
кўтариш ва пастга тушириш; уларни бир жойдан иккинчи жойга қўйиш,
товонда ён томонга юриш. 
Гавдани ривожлантирувчи машқлар. Деворга ёпишиб тик туриш 
қўлларни юқорига кўтариш ва тушириш; гимнастика деворига елка билан 
ёпишиб туриш, оёқни букилган ва ёзилган ҳолда навбати билан кўтариш, 
танани олдинга букиш, энгашиш ва таяниб ўтириш. Чалқанча ётиб 
оёқларни бир-бирига чалиштириб ҳаракат қилиш; ўтирган ҳолда бошни 
оёққача энгаштириш; қоринга ётган ҳолда қўлларга тираниш, гимнастика 
деворига осилиб гавдани кўтариш. Қўлни-қўлга бериб жуфт бўлиб 
айланиш. 
Сафланиш ва қайта сафланиш. Мустақил равишда сафланиш, 
қаторга туриш; икки гуруҳга бўлиниб туриш, айлана бўйлаб туриш; бир 
сафдан бир неча гуруҳга бўлиниш ва қайта сафланиш; чап ва ўнг томонга 
сафланиш; чап ва ўнгга қадам ташлаб бурилиш қилиш. Оёқ учига қараб 
текисланиш, бурчак ҳосил қилиб кетма-кет юриш.