Кичик гуруҳ (3-4 ёш)

Ўқув йили охирида бола: 
- мулоқот қилишда нутқли ва нутқсиз воситалардан фойдаланади; 
- ўз атрофидаги таниш одамлар билан осонликча мулоқотга киришади; 
- муаммоларга дуч келганда танишлардан ёрдам сўрайди;
- нотаниш ёки илк бор кўраётган одамлари тўғрисида саволлар беради; 
- келишишни билади;
- хушмуомалаликни намойиш этишнинг оддий кўникмалари 
(саломлашиш, хайрлашиш, миннатдорчилик билдириш)ни билади; 

---

120 
- бошқалар билан барқарор алоқалар ўрнатади, дўстлар орттиради; 
- атрофдагиларга ёрдам беради, овутади;
- катталар билан суҳбатлашганда савол беради ва жавоб қайтаради; 
- ўйинлар ташкил этади ва болалар билан ўйнайди; 
- ташаббускор, фаол бўлади, бўлажак воқеалардан хурсанд бўлади; 
- ўзининг исми-шарифи, ёши, манзили, оила аъзолари, қайси 
мамлакат, шаҳар (қишлоқ)да яшаётганлигини билади, ўзи 
тўғрисидаги маълумотларни бошқа болалар билан алмашади; 
- ўзининг миллий ва маданий қадриятларини билади ва улар билан 
ғурурланади;
- топшириқларни бажаришда қатъиятли ва сабр-тоқатли; 
- тенгдошларига ёқишни истайди; 
- катталар ва болаларнинг руҳий аҳволини сезади; 
- яқинлари ва тенгдошларига нисбатан ҳамдардлик билдиради; 
- атрофдагиларни кийимлари ва тили бўйича фарқлайди; 
- ўзига ёққан мусиқа асарларини тинглайди, уларга нисбатан 
муносабат билдиради; 
- бадиий асар қаҳрамонларининг ҳолатидан таъсирланади ва 
ҳамдардлик билдиради. 
 
Нутқ, ўқиш ва саводга тайёргарлик 
(5-6 ёш) 
Нутқ. Болани она тилида бемалол сўзлашиш, кенг тарқалган содда 
гапларни ишлатиш, мураккаб гапни грамматик жиҳатдан тўғри туза олиш, 
расмлар устида ҳикоя тузиш, нутқида антоним (қарама-қарши маъноли 
сўзлар), синоним (маънодош) ва омоним (шаклдош) сўзларни ишлатиш, 
катталар ва тенгдошлари билан мулоқотга киришиш малакасини 
шакллантириш; ўз ҳис-туйғуларини, мақсадини нутқ ёрдамида 
ифодалашга ўргатишда давом этиш. 
Болага мусобақалар ва мунозаларда иштирок этиш, берилган 
топшириқ ва кўрсатмаларни тушуниб, аниқ бажаришни ўргатиш.