Кичик гуруҳ (3-4 ёш)

Тенгдошлари билан мулоқот. Болани жамоада ўзини тутишга 
ўргатишни давом эттириш, тенгдошлари билан самимий муносабатда 
бўлиш, атрофдагилар билан барқарор алоқалар ўрнатиш, дўстлар 
орттириш, уларга ёрдам бериш, дўстларини исми билан чақириш, 
қўполлик қилмаслик, ўз фикрини ифодалаш, агар тушунмаса савол билан 
мурожаат қилиш, келишиб ўйнаш, овутиш, ўйинчоқлари ва қаламлари 
билан 
ўртоқлашиш, 
кичкинтойларга 
яхши 
муносабатда 
бўлиш 
кўникмаларини мустаҳкамлаш. 
Тенгдошларининг ютуқ ва камчиликларига диққат билан қараш, 
мулоқот даврида уларнинг шахсий хусусиятларини ҳурмат қилиш, ўйинда 
ролларни тақсимлай олиш кўникмаларини тарбиялаш.
Меҳнат фаолиятида ўртоғига ёрдам бериш, ўртоғининг ютуқларидан 
қувониш, бошқаларнинг меҳнати натижаларига ҳурмат билан қараш каби 
эзгу хислатларни шакллантириш.
Ўзаро алоқа ва муносабат ўрнатишда вербал ва новербал (нутқ ва 
имо-ишора) усуллардан фойдаланиш: вазминлик, ҳурмат билан таклифлар, 
саволлар, илтимослар билан чиқиш, жавобларни диққат билан эшитиш, 
саволларга ширинсуханлик билан жавоб бериш, “раҳмат”, “илтимос”, 
“балли”, “яша” каби сўзларни ифодалаш, мулойим табассум қилиш, 
бошқаларга ўз ёрдамини таклиф қилиш, болалар билан саломлашиш, 
катталарга, тенгдошига миннатдорчилик билдиришга одатлантириш. 
Тенгдошлари билан мулоқотда ўз фикрини айтиш, тенгдошлари билан 
юзага келадиган низоли вазиятларни бартараф қилиш, қабул қилинган 
ижтимоий мулоқот қоидалари ёрдамида ўзини ҳимоя қилишга интилиш, 
тенгдоши унга қичқирганида, ундан жаҳли чиққанида, устидан кулганида 
“Мен сенга нима қилдим?”, “Нима учун сен менга бундай муомала 
қиляпсан?” каби саволлар билан мурожаат қилиш, “Кел, яхшиликча 
ўйнайлик” каби таклифлар киритиш, “Менинг расм чизгим келяпти, 
бошқа болалар билан ўйнай қол” каби тушунтиришлар орқали рад 
қилишни ўргатиш.