Кичик гуруҳ (3-4 ёш)

Ўқув йили охирида бола: 
- 
қаторда тўғри, йўналишни ўзгартириб, навбатма-навбат, жуфт бўлиб 
қўл ушлашиб юради; 
- 
йўналишни ва тезликни ўзгартириб югуради; 
- 
1 дақиқа давомида узлуксиз югуради;
- 
югуриш чоғида бурилади, ҳуштак бўйича тўхтайди; 
- тўсиқларни енгиб ўтади;
- 
икки оёқни жуфтлаб турган жойда сакрайди; 
- 
юмалатиб юборилган буюмни қувиб етади; 
- 
нарсаларни тутиб олади ва улардан ўзини олиб қочади;
- 
коптокни илиб олади, уни қайтаради, ерда юмалатади;

---

59 
- 
тўғри йўналиш бўйича қўл кафтлари ва тиззалари ёрдамида,
гимнастика курсиси устида тўрт оёқлаб 10 м гача эмаклаш; 
- 
сувда сузаётгандек қўлларини ҳаракатлантиради; 
- 
умумривожлантирувчи машқларни тарбиячи кўрсатмаси асосида 
бажаради; 
- 
ювиниш учун зарур бўладиган нарсалар (совун, сочиқ, мочалка в. 
б.)ни фарқлайди; 
- 
юз ва қўлни ювгандан кейин сочиқдан мустақил фойдаланиб артади; 
- 
тоза дастрўмолдан фойдаланади ва уни чўнтакда олиб юради; 
- 
тўғри овқатланиш тартибига риоя қилади; 
- 
мустақил равишда овқат ейди;
- 
қошиқни ўнг қўл билан ушлайди; 
- 
овқатланиб бўлгач, “раҳмат” айтади; 
- 
стол устини йиғиштиришда катталарга ёрдам беради; 
- 
ухлашга айнан бир вақтда ётади;
- 
уйқудан олдин ва кейин ювинади, алоҳида ўринда ухлайди. 
 
Ижтимоий- ҳиссий ривожланиш 
(3-4 ёш) 
Ижтимоий ривожланиш. Катталар билан мулоқот. Болага катталар 
билан мулоқотга киришиш, уларга тақлид қилиш, овоз оҳангидан мақтов 
ва танқидни фарқлаш, катталарни “исми” билан (буви, бува, ойи, дада, ака, 
опа, тоға, хола каби) чақиришни ўргатишни давом эттириш. 
Боланинг оила аъзоларига нисбатан илиқ муносабатларни намоён 
этишини, уларнинг илтимосларини бажаришга ҳаракат қилиш, ёрдам сўраб 
мурожаат этиш, оғзаки кўрсатма бўйича буюмлар билан ҳаракат қилишини 
ҳамда катталар билан жуфтликдаги ўйинларга фаол киришишини 
рағбатлантириш. 
Катталарни ҳурмат қилиш, тинглай олиш, илтимосларини, 
топшириқларини бажариш, кўрсатмаларига қулоқ солиш, катталар билан 
бўладиган мулоқотдан хурсанд бўлиш, уларнинг саволларига тўғри жавоб 
бериш, хушмуомалалик билан “Ассалому-алайкум”, “Лаббай”, “Хўп 
бўлади”, “Хайр”, “Яхши бориб келинг” каби сўзларни айтишга ўргатиш. 
Бола билан суҳбатлашаётганда бошни енгил силкитиш, табассум 
қилиш орқали “мен сен билан”, “мен сени тушунаман” деб 
айтилаётганлигини унга англатиш, унинг қадр-қимматини ҳурмат қилиш,
ҳиссиётларини тушуниш. 
Бола билан бирга турли расмлар, фотосуратларни томоша қилиш.