Кичик гуруҳ (3-4 ёш)

Майда моторикани ривожлантириш. Боланинг қўллари ва бармоқ 
ҳаракатларини ривожлантириш учун ёрқин рангдаги юмшоқ ўйинчоқларни 
бериш. бола ўйинчоқни олиш учун қўлини чўзиши, ушлаб олиши, маълум 

---

9 
вақт давомида қўлида ушлаб туриши, чўмилаётганда чиройли резина 
ўйинчоқ, юмшоқ мочалкани маҳкам ушлаши; ўйинчоқ билан фаол ўйнаши; 
қутичаларни очиши ва ичидаги ўйинчоқларни қўлига олишини 
рағбатлантириш. 
Боланинг майда моторикасини ривожлантириш учун қуйидаги 
машқларни ўтказиш мақсадга мувофиқ: ўриндиғига ўтқизиб қўйиб, 
ёқтирадиган ўйинчоғини (илинадиган ўйинчоқлар боланинг кўкрагидан 
тахминан 60-70 см юқорига илиб қўйилиши лозим) интилиб, чўзилиб 
олишга ундаш; бирор-бир буюм бериб, маҳкам ушлаб олишга ўргатиш; 
нарсаларни солиши учун сиғимли идиш бериш; бирор буюмни кучи 
етганча ушлаб туриши учун имкон бериш; чапак чалишини 
рағбатлантириш; чўмилтириш вақтида қўллари билан сувни чайқатишига 
рухсат бериш; ўйинчоқни бир қўлидан бошқа қўлига олишига 
кўмаклашиш.
Сенсомоторикани ривожлантириш. Боланинг бошини овоз келаётган 
томонга буриши, овоз чиқарадиган резинали ўйинчоқларни сиқиб туриши, 
ҳаракатланаётган буюм ёки ўйинчоқни кузатиши, ушлашга интилиши ва 
ушлаб олишини рағбатлантириш. Кичкинтойнинг сенсомоторикасини 
ривожлантириш учун куйлайдиган ёки овоз чиқарадиган ўйинчоқни 
ёнидан, олдиндан кўрсатиш орқали кўриш, эшитиш аъзоларига таъсир 
этиш; бола билан кўпроқ ўйнаш, унга майин, меҳрли овозда гапириш, 
ёқимли мусиқа қўйиб бериш. 
Маданий-гигиеник кўникмаларни ривожлантириш. Болада 
сувдан, чўмилишдан завқланиш ҳиссини таркиб топтириш; чўмилиш 
вақтида ўйинчоқларни сувга солиш ва сув ичида юргизиш; шеър, қўшиқ 
айтиб, кичкинтойга қувноқ, тетик кайфият бағишлаш. 
Бола ҳаёти хавфсизлигини таъминлаш. Кичкинтойнинг хавфсиз 
яшаши ва ҳаракатланишини таъминлаш лозим. Болани қаровсиз қолдириш, 
фақат бешикка белаб қўйиш, сиқиб йўргаклаш, оғир буюм ёки 
ўйинчоқларни бериш, ҳаракатларини сиқиб қўядиган кийимларни 
кийдириш мумкин эмас. 
Бола майда ўйинчоқларни ютиб юбормаслиги, бурни ёки қулоғига 
киргизмаслиги учун уларнинг диаметри 8-10 см дан кичик бўлмаслигига, 
шунингдек ўйинчоқларга гигиеник ишлов берилишига эътибор бериш 
керак.