Кичик гуруҳ (3-4 ёш)

 
Ижтимоий-ҳиссий ривожланиш
(2-3 ёш) 
Ижтимоий ривожланиш. Катталар билан мулоқот. Боланинг 
катталар билан самимий, дўстона мулоқотда бўлиш истагини 
рағбатлантириш. Таниш катталарнинг топшириқларини бажаришни, ўйин 
давомида уларга мурожаат қилишни, катталарнинг ҳикояларига, 
китоблардаги расмларга нисбатан қизиқишни тарбиялаш. 
Ҳар бир одамнинг исми борлигини ҳамда уларнинг орасидаги 
муносабатларга хос номлар (буви, бува, ойи, дада, ака, опа, тоға, хола 
каби) мавжудлигини тушунишга ёрдам бериш. 
Болани таниш ва нотаниш одамларни ажратишга ўргатиш. Нотаниш 
катта одамлар билан бўладиган мулоқотда эҳтиёт бўлиш, нимани қилиш 
мумкин, нимани қилиш мумкин эмаслигини тушунтириш. 
Бола нотаниш шароитларга кўниккунга қадар унинг ёнида бўлиш, 
нотаниш муҳитда у ўзини хавфсиз ҳис этаётганига ишонч ҳосил қилиш, 
болани тинглаётганда сабрли бўлиш, саволларига аниқ ва тўлиқ, турли 
усуллардан фойдаланган ҳолда жавоб бериш.
Тенгдошлари 
билан 
мулоқот. 
Бола 
мактабгача 
таълим 
муассасасига келгач “бола-катталар” муносабатига, “бола-тенгдош” 
муносабати қўшилади ва унда аста-секин тенгдошлари билан ўйнаш 
кўникмаси шакллана бошлайди.
Болага тенгдошларининг исмини айтиб мурожаат қилишни, 
саломлашиш ва хайрлашишни ўргатиш. Кичкинтойни мажбурламаган 
ҳолда ўз тенгдошлари билан ўйнашига имконият яратиш: биргаликда 
ўйнашга интилишини, уларнинг ҳаракатларини кузатиб туриши, ўйнаш 
истагини билдириши, сўнг ўйинга қўшилишини ҳурмат қилиш, 
тенгдошларини ўйинга жалб қилишга уринишини рағбатлантириш. 
Ўйин давомида болалар билан ишончли муносабат (ўйинчоқлари 
билан ўртоқлашади) ўрнатишга, саволлар бериш ва суҳбатлашишга, 
тенгдошига ёрдам беришга (биргаликда ўйинчоқларни йиғиш) ўргатиш.

---

41