Kelishilgan Tasdi

11 Xavfsizlik texnikasining asosiy qoidalari 
11.1 Ta’sirsizlantirish apparatchisi xavfsizlik texnikasi, sanoat sanitariyasi va yong‘in 
xavfsizligi qoidalarini va 1.10 bandda ko‘rsatilgan yo‘riqnomalarni bilishi va bajarishi kerak. 
11.2 Ish ShHV bo‘lgan holda faqat soz holdagi mahsus kiyim - boshda boshlanadi. 
11.3 Ish joyiga taalluqli bo‘lmagan asbob - uskunalarga o‘zboshimchalik bilan xizmat 
ko‘rsatish ta’qiqlanadi. 
11.4 Smena boshlig‘ining ruxsatisiz ish joyi tashlab ketilmaydi. 
11.5 Maydonchalar, zinapoyalar va o‘tish joylari keraksiz narsalar bilan tiqilinch 
qilinmaydi. 
11.6 Yong‘inni o‘chirish vositalarining turish joylarini bilish va ulardan foydalana olish 
lozim. 
11.7 Yo‘riqnomaga muvofiq jarohatlanganlarga birinchi yordam ko‘rsatish qoidalarini 
bilish. 
11.8 Ta’mirdan keltirilgan asbob - uskunalarni faqat sex mexanigining yozma farmoyishi 
asosida ishga tushirish. 
11.9 Asbob - uskunalarni faqat elektrodvigatelning elektrik sxemasi ajratilganidan keyin 
ta’mirlash va tozalash. Ishga tushirish mexanizmiga 
“Yoqilmasin. Odamlar ishlashmoqda!”
yorlig‘i osiladi. 
11.10 Kuchlanishi faqat 12 va 36 V bo‘lgan ko‘chma lampalardan foydalaniladi. 
11.11 Barcha asbob - uskunalar va xarakatlanuvchi qismlar sinchkovlik bilan yopilishi 
kerak. 
11.12 Maydonchalar, o‘tish joylarida begona predmetlar bo‘lishi ta’qiqlanadi. To‘siqlar, 
zinapoyalar, panjaralar sozligi kuzatiladi. 
11.13 Asbob-uskunalar va mexanizmlar germetikligi kuzatib boriladi. 
11.14 Xar qanday turdagi jaroxatlanish olganda (travma) bu haqida smena boshlig‘i 
xabardor qilinadi. Zarur bo‘lganida, tez yordam chaqiriladi. 
11.15 Gaz bilan zaharlanganda jaroxatlangan shaxs toza havoga olib chiqiladi, siqib 
turuvchi kiyim yoki kiyim qismlaridan bo‘shatiladi, sut ichiriladi va tez yordam chaqiriladi. 
11.16 Elektr toki bilan jarohatlanganda, jarohat olgan shaxs tok manbasidan izolyatsiya 
qiluvchi predmet yordamida ajratiladi (yoki elektr energiyasi o‘chiriladi), toza havoga olib 
chiqiladi. Tezda tez yordam chaqiriladi, jarohatlangan nafas olmasa, sun’iy nafas oldiriladi. 

---

Sifat menejmenti tizimi hujjatlari, MXY 00203074-34-03: 2022 
MXY 34-03 Ammofos-3 sexi ta’sirsizlantirish apparatchisi mehnat muhofazasi
Tahrir 4