Келишилди” Қорақалпоғи

Қутқарув ишларини олиб бориш асослари.

Фуқаро муҳофазаси тузилмаси зарарланиш (шикастланган) ўчоқларида мураккаб шароитли ҳолатларда, бузилган бинолар, панагоҳлар, ертўлалар, сув босган ҳудудлар, ёнғинлардан ва заҳарланган жойлардан одамларни ва моддий бойликларни қисқа вақтларда қутқариш учун катта иш ҳажмини амалга оширишларига тўғри келади. Ҳарбий ҳаракатлар олиб борилаётган вазиятда эса ишларни бажаришга душман томон такрорий зарба бериши хатари доимо мавжуд бўлиши вазиятни кескинлаштиради.

Шу боис қутқарув ишларини олиб боришнинг асосий тамойиллари қуйидагилардан иборат:
- ишларни олиб бориш учун куч ва воситаларни тезлик билан кучайтириш. Шу мақсадда фуқаро муҳофазаси тузилмалари тўлиқ таъминланган ва қисқа муддат ичида ишларни олиб боришга доимий тайёр бўлиши лозим;
- тузилма қатъиятлилик билан, тезда, оқилона ташаббускорлик кўрсатиб ишларни бажаришга киришади. Биринчи навбатда бузилган иморатлар, вайроналар остида, зарарланган ҳудудларда қолган кишиларни қутқариш ва шикастланганларга биринчи ёрдам кўрсатиш лозим. Ишларни туну-кун олиб бориш керак;
- ишларнинг узлуксизлигини хавфсизлик қоидаларига риоя қилган ҳолда ишни икки сменада ташкил этиш йўли билан таъминланади.


Қутқарув ишларига қуйидагилар киради.

- қутқарув ишларини олиб бориш объектига етиб бориш маршрутини аниқлаш;

- ёнғинларни чеклаш ва ўчириш;
- шикастланган (зарарланган) кишиларни қидириш ва уюмлар, шикастланган ва ёнаётган бинолар, газ ва дуд тарқалиб кетган иншоотлар ичидан олиб чиқиш;
- босиб қолинган ҳимоя иншоотлар ва бинолар ичига ҳаво узатиш;
- босиб қолган биноларни очиш ва уларнинг ичидаги одамларни қутқариш;
- жабрланганларга биринчи тиббий ёрдам кўрсатиш ва уларни тиббиёт муассасаларига эвакуация қилиш (зарур бўлса);
- ходимларни хавфли зоналардан хавфсиз ҳудудларга олиб чиқиш;
- зарарланиш зоналарида бўлган ходимлар, кийимлар, мол-мулклар ва асбоб-ускуналарни қисман санитария ишловидан ўтказиш.