Кейс. Яшил иқтисодиёт – барқарор ривожланишнинг янги йўли сифатида. Вазият

Кейс. Яшил иқтисодиёт – барқарор ривожланишнинг янги йўли сифатида.
Вазият: Охирги йилларда “яшил иқтисодиёт” мавзуси долзарблашиб бормоқда. “Яшил иқтисодиёт”га хос муҳим хусусиятлар: иссиқхона газларини чиқариш ҳажмининг пастлиги; табиий ресурслардан оқилона фойдаланиш; табиий капитални сақлаб қолиш, кўпайтириш ва тиклаш; биологик хилма-хиллик ва экотизимларни йўқотишнинг олдини олиш; аҳоли даромадлари ва бандлигини ошириш.
“Рио +20” форумидан кейин форумда иштирок этган мамлакатлардан бири “яшил иқтисодиёт”га ўтиш стратегиясини ишлаб чиқиш зарурлиги, ўз иқтисодиётини “яшил” ўсиш асосида ривожлантириш тўғрисида қарор қабул қилди.
Мазкур мамлакат ЯИМ таркибида саноат улуши 31,6%ни ташкл этади. Мамлакат ЯИМнинг энергия сиғимкорлиги 1,9 га (таққослаш учун ушбу кўрсаткич Беларусда 1,17 га, Японияда 0,1 га) тенг. Бундан ташқари мамлакатда асосий фондлар эскириш даражасининг юқорилиги ва инфратузилманинг жаҳон ривожланиш даражасидан анча пастлиги муаммоси мавжуд. Мамлакатда иқтисодиётнинг “яшил” секторлари ва “яшил” технологияларни ривожлантириш ҳисобига ЯИМнинг энергия сиғимкорлигини 2025 йилга қадар 10%га, 2030 йилгача эса 25%га қисқартириш бўйича стратегик мақсад ишлаб чиқилган. Мамлакатнинг нисбатан ривожланган тармоқлари : нефть қазиб чиқариш; металлургия; кимё ва нефт-кимё; машинасозлик; энергетика; енгил ва озиқ-овқат саноати; агросаноат; қурилиш.
Муҳокама учун саволлар: а) мамлакатда “яшил” иқтисодиётнинг истиқболли тармоқларини аниқланг; б) ялпи ички маҳсулотнинг энергия сиғимкорлигини пасайтириш борасидаги ривожланган мамлакатлар тажрибасидан қандай фойдаланиш мумкин?; в) “яшил стратегия”нинг тамойилларини ривожлантириш бўйича таклифлар киритинг; г) “яшил” секторларни ривожлантиришнинг қайси механизми иқтисодий ўсиш ва аҳоли бандлигини ошириш манбалари бўлиб хизмат қилиши мумкин?


Тестлар


1. БМТ Атроф-муҳит дастури (UNEP) қачон қабул қилинган?
1992 йил
1972 йил
2000 йил
2002 йил