Кўчмас мулк ва мулк ҳУҚУҚи амалий қўлланма

101
Давлат ташкилотларига қарашли уй-жойларга оид олди-сотди 
шартномаларни тузиш
Амалдаги қонунчиликка мувофиқ, давлат мулкий муносабатларда мулк 
ҳуқуқининг субъекти сифатида иштирок этади ҳамда ушбу жараёнда ўз тасарру-
фидаги уй-жойларни фуқароларга сотади. “Нотариуслар томонидан нотариал 
ҳаракатларни амалга ошириш тартиби тўғрисида”ги Йўриқноманинг 77-банди-
га кўра бундай шартномаларни тасдиқлашда нотариал идорага уй-жой ларни 
расмийлаштиришда талаб қилинадиган умумий ҳужжатлардан ташқари:
●
давлат солиқ хизмати органининг маълумотномаси;
●
Ўзбекистон Республикасининг Хусусийлаштирилган корхоналарга 
кўмаклашиш ва рақобатни ривожлантириш давлат қўмитаси ёки унинг ҳудудий 
бошқармаларининг розилиги;
●
баҳоловчи ташкилотнинг ҳисоботи тақдим этилади. 
Қуриб битказилмаган уй-жойларга оид олди-сотди шартномаларни 
тузиш
Ўзбекистон Республикаси Вазирлар Маҳкамасининг 2006 йил 30 
декабрдаги 272-сонли қарори билан тасдиқланган “Якка тартибдаги уй-жой 
қурилиши тўғрисида”ги Низомга кўра уй-жойни фойдаланишга қабул қилиш 
далолатномасини тасдиқлаш тўғрисида ҳокимнинг қарори қабул қилинганидан, 
мазкур қарор «Ергеодезкадастр» давлат қўмитасининг туман (шаҳар) ер тузиш 
ва кўчмас мулк кадастри давлат корхоналари томонидан белгиланган тартибда 
давлат рўйхатидан ўтказилгандан кейин якка тартибда қурилган уй-жойга 
мулкчилик ҳуқуқи пайдо бўлади. 
Уй-жойларга нисбатан уларни бошқа шахсга ўтказиш билан боғлиқ 
битимларни мулк ҳуқуқи вужудга келганидан кейин амалга ошириш мумкин. 
Шу билан бирга, қонунчилик қурилиши тамомланмаган уй-жойга нисбатан 
шартномаларни тузишни ҳам назарда тутади ҳамда бундай шартномаларни 
тасдиқлаш учун қуйидаги ҳужжатлар талаб қилинади:
●
қуриб битказилмаган уй ёки квартирани, уйнинг ёки квартиранинг 
бир қисмини бошқа шахсга ўтказишга рухсат бериш тўғрисидаги маҳаллий 
давлат ҳокимияти органининг қарори;
●
уй ёки квартирани, уйнинг ёки квартиранинг бир қисмини ўзгартириш, 
қайта қуриш ёки бузишга маҳаллий давлат ҳокимияти органининг қарори;
●
қурилиши тугалланган, аммо давлат комиссияси томонидан 
фойдаланишга қабул қилинмаган объектлар рўйхати;
●
«Ергеодезкадастр» давлат қўмитаси ҳудудий бўлинмасининг маълу-
мотномаси;
●
давлат солиқ хизмати органининг маълумотномаси;
●
ер участкасига бўлган ҳуқуқнинг давлат рўйхатидан ўтказилганлиги 
тўғрисидаги гувоҳнома.

---