Кўчмас мулк ва мулк ҳУҚУҚи амалий қўлланма

105
2 .2 .3 . ҲАДЯ ШАРТНОМАСИГА АСОСАН УЙ-ЖОЙНИ 
БОШҚА ШАХСГА ЎТКАЗИШНИНГ ХУСУСИЯТЛАРИ
Фуқаролик муомаласида уй-жойни бошқа шахсга ўтказишнинг олди-сотди 
шартномаларидан кейинги энг кўп тарқалган тури битимнинг ҳадя орқали 
амалга оширилишидир.
Уй-жойнинг ҳадяси шартномасини тузишни амалга оширишда белгиланган 
қонун талаблари, яъни шартномани тузиш ва уни нотариал тасдиқлаш тартиби 
уй-жойни бошқа шахсга ўтказишнинг умумий қоидалари билан деярли бир хил.
Олди-сотди шартномаларида бўлгани каби ҳадя шартномаси ҳам қатъий 
равишда ёзма шаклда тузилиши, нотариал тасдиқланиши, ҳадя қилувчи ҳадя 
предмети бўлган уй-жойга нисбатан мулкий ҳуқуқларга, муомала лаёқатига эга 
бўлиши лозим.
Ҳадя шартномасини тасдиқлашда нотариус томонидан уй-жойни бошқа 
шахсга ўтказишда амалга ошириладиган барча ҳаракатлар тўлиқ бажарилади. Шу 
сабабли мазкур шартнома юзасидан уни тузиш ва тасдиқлаш тартиби тўғрисида 
эмас, ҳадя шартномасининг уй-жойни ўзга шахсга ўтказишга оид бошқа 
шартномалардан фарқли хусусиятларини ифодалаш мақсадга мувофиқдир.
Ўзбекистон Республикаси Тошкент шаҳри Чилонзор тумани.
Икки минг ўн еттинчи йил йигирманчи август.
Ушбу ишончномани мен, Эргашев Валишер Алишерович, Тошкент шаҳар Чилонзор 
тумани 1-мавзе, 1-уйда жойлашган Тошкент шаҳар Чилонзор тумани 1–сонли давлат 
нотариал идорасининг нотариуси тасдиқладим.
Фуқаро OMANOV FAYOZ NURILLAYEVICH менинг ҳузуримда ишончномани 
имзолади.
Унинг шахси аниқланди ва муомалага лаёқатлилиги текширилди, нотариал ҳаракатни 
амалга ошириш даврида унинг муомалага лаёқатлилиги шубҳа туғдирмади, нотариал 
ҳаракатни амалга ошириш даврида унинг муомалага лаёқатсизлиги ҳақида нотариал 
идорада ҳеч қандай маълумот йўқ.
OMANOV FAYOZ NURILLAYEVICHнинг фуқаролик паспортидан кўринишича у 
никоҳда турмайди, нотариал идорада унинг никоҳда туриш ёки турмаслиги тўғрисида ҳеч 
қандай маълумотлар мавжуд эмас.
Нотариал ҳаракатларни рўйхатга олиш реестри №___________________-сон билан қайд 
қилинди.
7488,75 (етти минг тўрт юз саксон саккиз сўм етмиш беш тийин) миқдорида давлат 
божи учун тўлов ундирилди.
Тошкент шаҳар Чилонзор тумани 
1-сонли давлат нотариал идораси 
нотариуси В.А.ЭРГАШЕВ

---