Кўчмас мулк ва мулк ҳУҚУҚи амалий қўлланма

Ўн тўрт ёшдан ўн саккиз ёшгача бўлган вояга етмаган шахсларга 
тегишли бўлган уй-жойларнинг олди-сотди шартномаларини тузиш 
тартиби.
Қонунга кўра ўн тўрт ёшдан ўн саккиз ёшгача бўлган вояга етмаганлар, 
ўзларига тегишли бўлган уй-жойларга нисбатан уларни тасарруф этиш 
билан боғлиқ шартномаларни ўзлари тузади, яъни, бевосита шартноманинг 
иштирокчиси сифатида қатнашади. 
Фақат бундай шартномаларнинг қонунийлигини эътироф этиш учун 
зарурий шарт белгиланган бўлиб, шартномалар юқоридаги шахсларнинг ота-
оналари, фарзандликка олувчилари ёки ҳомийларининг ёзма розилиги билан 
тузилиши лозим. Бундай шартномаларни тузишда ота-онани ҳар иккисининг 
розилиги талаб қилинади.
Бундай вояга етмаган шахс томонидан тузилган битим кейинчалик 
шахснинг ота-онаси, фарзандликка олувчилари ёки ҳомийси ёзма равишда 
маъқуллаганидан сўнг, у ҳам ҳақиқий ҳисобланади.
Ўзбекистон Республикаси Президентининг 1999 йил 26 февралдаги 
2240-сонли Фармони билан тасдиқланган “Ўзбекистон Республикасида паспорт 
тизими тўғрисида”ги Низомнинг 2-бандига кўра Ўзбекистон Республикаси 
фуқаросининг паспорти Ўзбекистон Республикаси фуқаролигини ва унинг 
эгаси шахсини тасдиқловчи асосий ҳужжатдир.
Ўзбекистон Республикасининг 16 ёшга тўлган барча фуқаролари 
Ўзбекистон Республикаси фуқароси паспортига эга бўлишлари шарт. Яъни 
мазкур Низом талабларига кўра паспорт фуқароларга 16 ёшга тўлиши билан 
берилади. 
Уй-жойга оид шартномаларни тузишда ўн тўрт ёшдан ошган, лекин ўн 
олти ёшга тўлмаганлиги сабабли паспорт олмаган фуқаролар иштирок этганда 
нотариус томонидан ушбу фуқароларнинг айнан ўзи иштирок этаётганлигини 
аниқлаш зарурати туғилади, зеро, фуқаронинг туғилганлик ҳақидаги 
гувоҳномаси ушбу ҳолатни тўлиқ тасдиқлаш имконини бермайди.
Бунинг учун нотариус томонидан шартномада вояга етмаган шахс 
қатнашганда, фуқароларнинг ўзини ўзи бошқариш органлари ёки хусусий уй-
жой мулкдорлари ширкати томонидан ушбу вояга етмаган шахснинг расми 
елимлаб ёпиштирилган маълумотнома талаб этилади. Ушбу маълумотномадаги 

---