Kassadagi naqd pullar va boshqa qimmatliklarning butligi va saqlash qoidalariga rioya qilishni tekshirish

Tashqi iqtisodiy faoliyat bilan bog‘liq audit hizmatini ko‘rsatish.

Xalqaro iqtisodiy aloqalarda muvaffaqiyatli ishtirok etish uchun jahonning yuksak talablariga javob beradigan hisob va hisobot tizimini shakllantirish zarur, chunki har qanday iqtisodiy aloqani samarali amalga oshirish zamirida ishtirokchilarning moliyaviy-xo‘jalik faoliyati bilan tanishishlari turadi. Albatta, bu tanishish korxonalar moliyaviy hisobotlarini o‘qish orqali amalga oshib, ishtirokchilar bu hisobotlarning haqqoniyligi va to‘g’ri tuzilganligiga ishonch hosil qilishlari kerak bo‘ladi. Bunday ishonch mezoniga hisobotning auditorlik nazoratidan o‘tganligi va qanday xulosalanganligiga qarab erishiladi. Hozirgi kunda O‘zbekiston Respublikasiga investitsiyalarni amalga oshirish va qo‘shma korxonalar ochish uchun, asosan, O‘zbekiston Respublikasining firmalari faqat xalqaro auditorlik firmalari xizmatidan foydalangandagina taqdim etgan hisobotlari inobatga olinayapti. Bu mahalliy auditorlik firmalarining mavqeini oshirishni taqozo etadi.
O‘zbekiston Respublikasida tuzilayotgan auditorlik firmalarining xalqaro talab darajasiga ko‘tarilishi va auditorlik xizmatlarini jahon standartlari darajasida olib borishi uchun audit metodikasini hamda moddiy-texnik bazasini yaxshilash bilan bir qatorda valyuta muomalasining auditi masalalarini ishlab chiqish zarur bo‘ladi.
Valyuta muomalalari auditi masalalari kassadagi mablag’lar auditidan boshlanadi. Auditni boshlashdan avval auditor buxgalteriya xodimlaridan kerakli ma’lumotni olib, ichki nazorat tizimini baholaydi va kassadagi valyuta mablag’larini tekshirish uchun test savollarini ishlab chiqishi zarur bo‘ladi.
Auditorning bosh maqsadi yuqorida aytib o‘tilgandek, ko‘zbo‘yamachiliklarni aniqlash emas, balki moliyaviy hisobotning haqqoniyligini aniqlashdir. Buning uchun pul mablag’lari yo‘nalishini va uning buxgalteriya hisobida aks ettirilishini tekshiriladi. Ayrim hollarda buxgalter daromadni yashirish va byudjetga to‘lanadigan soliqlarni kamaytirib ko‘rsatish maqsadida schyotlar korrespondentsiyasini noto‘g’ri amalga oshirishi mumkin.

7.