Касса муомалаларини ҳисобга олиш бўйича дастлабки ҳужжатлар

АВ-4а. Автотранспорт воситаларини ҳисобдан чиқариш далолатномаси.
Ушбу ҳужжат автотранспорт воситаларини ҳисобдан чиқаришда қўлланилади. Далолатнома икки нусхада тузилади ва корхона раҳбари ёки ваколатли шахс томонидан тайинланган комиссия аъзолари томонидан имзоланади. Биринчи нусхаси ДАН ҳисобидан чиқаришни тасдиқлайдиган ҳужжат билан бирга бухгалтерияга берилади, иккинчиси эса автотранспорт воситаларини сақлаш учун масъул шахсда қолади ва ҳисобдан чиқариш натижасида олинган материаллар ҳамда металлаломмни омборга топшириш ёки сотиш учун асос бўлиб хизмат қилади.
Агар автотранспорт воситаси чиқарилаётганда “Асосий воситаларни қабул қилиш-топшириш далолатномаси” тузилса, унинг рақами ва санаси “ҳисобдан чиқариш далолатномаси”да кўрсатилади.
Ҳисобдан чиқариш харажатлари ва автотранспорт воситаларини тугатишдан олинган материаллар қийматликлари суммаси далолатноманинг орқа томонидаги “Автотранспорт воситаларни ҳисобдан чиқариш билан боғлиқ харажатлар ва уларни ҳисобдан чиқаришдан олинган материал қийматликлар тўғрисида маълумот” бўлимида кўрсатилади.

АВ-4. Асосий воситаларни ҳисобдан чиқариш далолатномаси.
Асосий воситалар қуйидаги ҳолларда ҳисобдан чиқарилади:
 сотиш ёки текинга бериш;
 жисмоний ёки маънавий эскирган ҳолларда тугатиш;
 ҳалокат, табиий офат ёки бошқа фавқулодда вазиятларда тугатилиш;
 бошқа корхона устав капиталига улуш сифатида бериш;
 узоқ муддатли ижара шартномасига асосан бериш.

Чиқарилаётган асосий воситалар балансдан ўчирилади. Ушбу ҳужжат асосий воситаларни тўлиқ ёки қисман ҳисобдан чиқаришда қўлланилади (автотранспорт воситаларидан ташқари). Агар асосий восита чиқарилаётганда “Асосий воситаларни қабул қилиш-топшириш далолатномаси” тузилса, унинг рақами ва санаси “ҳисобдан чиқариш далолатномаси”да кўрсатилади.

Далолатнома икки нусхада тузилиб, комиссия аъзолари томонидан имзоланади ва корхона раҳбари ёки ваколатли шахс томонидан тасдиқланади.
Далолатноманинг биринчи нусхаси бухгалтерияга топширилади, иккинчиси эса асосий воситаларни сақлаш учун масъул шахсда қолади ва ҳисобдан чиқариш натижасида олинган эҳтиёт қисмлар, материаллар, металлалом ва шунга ўхшашларни омборга топшириш ёки сотиш учун асос бўлиб хизмат қилади.
Ҳисобдан чиқариш харажатлари ва бинолар, иншоотлар ҳамда бўлакланган қурилмалардан олинган материаллар қийматликлари суммаси далолатноманинг орқа томонидаги “асосий воситаларни ҳисобдан чиқариш билан боғлиқ харажатлар ва уларни ҳисобдан чиқаришдан олинган материал қийматликлар тўғрисида маълумот” бўлимида кўрсатилади.