Kasimova Gulyar Axmatovna Sholdarov Dilshod Azimiddin o’g’li

1.2.Fanning maqsadi, tarkibiy tuzilishi va vazifalari 
 
«Pensiya ta’minoti nazorati» fanini o’qitishdan maqsad – magistrantlarga 
mamlakatda amalga oshirilayotgan pensiya siyosati, institutsional islohotlarning 
bugungi bosqichida davlat pensiya ta’minoti nazoratining ahamiyati, pensiya 
ta’minoti tizimida davlat nazoratini amalga oshirilishi haqida bilimlar berishdir. 
Shuningdek, pensiya ta’minotining samarali faoliyatini ta’minlash bo’yicha asosiy 
ko’nikmalar hosil qilish, pensiya sohasida davlat moliyaviy nazoratining nazariy, 
amaliy va uslubiy jihatlarini o’rgatishdan iborat.
Bugun dunyoda keksalar bilan bog’liq pensiya masalalari ko’ndalang 
turibdi. Agar ularni yurtimizdagi vaziyat bilan taqqoslasa, butkul o’zga manzara 
hosil bo’ladi. Mamlakatimizda keksalarga g’amxo’rlik ko’rsatish, ularning hayot 
darajasi va sifatini oshirish, bu boradagi qonunchilik va me’yoriy-huquqiy bazani 
yanada takomillashtirish, pensiya ta’minoti va ijtimoiy qo’llab-quvvatlash tizimini 
takomillashtirishga alohida e’tibor qaratiladi. Zero, har qanday jamiyatning yutug’i 
uning keksalarga bo’lgan munosabatida ko’rinadi, deya bejiz aytilmagan. Hozirgi 
kunda O’zbekiston Respublikasida pensiya ta’minoti tizimini shakllantirish va 
rivojlantirish masalalari nazariy va amaliy jihatdan fan sifatida chuqur 
o’rganilmoqda. 
«Pensiya ta’minoti nazorati» fanini o’qitishning maqsadi – kelgusida yuqori 
malakali iqtisodchi-mutaxassislar bo’lib etishadigan magistrantlarga xorijiy 

---

14 
mamlakatlardagi pensiya tizimining nazorati haqida nazariy bilimlar berish, ularda 
hozirgi davrda pensiya ta’minoti sohasidagi davlatning moliyaviy nazorati 
bo’yicha ko’nikmalar hosil qilishdan iborat.
Fan ushbu maqsaddan kelib chiqib, o’z predmetini o’rgatish uchun quyidagi 
vazifalarni qo’ydi: 
–
respublikamizda pensiya ta’minoti nazoratining ijtimoiy-iqtisodiy mohiyati 
va ahamiyatini o’rganish; 
–
pensiya ta’minotining nazorati va ichki nazorat tizimi tadbirlarini o’rganish; 
–
pensiya ta’minoti tizimida ijtimoiy risklarni boshqarish va pensiya 
xavfsizligining tashkiliy asoslarini o’rganish; 
–
rivojlangan davlatlarida pensiya tizimi va davlat moliyaviy nazorati 
darajasida moliyaviy munosabatlarning amal qilishini o’rganish; 
–
xorijiy davlatlarda pensiya tizimini nazorat qilish yuzasidan ilg’or 
tajribalarni respublikamizga tadbiq etish yo’llarini o’rganish.