Касбий қайта тайёрлаш йўналиши

 
2.2.Табиат билан таништиришда “Болажон” таянч дастурининг 
моҳияти ва вазифалари 
Мактабгача 
ёшдаги болалар таълим-тарбияси қуйидаги дастур 
талабларига асосланиб тузилган бўлиб, унда боланинг ривожланиши, руҳияти, 
таълим-тарбиясидаги даврлари, даврларига монанд ўзгаришлар, муоммолар 
ҳақида баён қилинади. Болалар психологик камол топиш тамойилларидан 
келиб чиқиб, уларнинг атроф оламдаги воқеа ҳодисалар нарсаларга муносабати 
ҳамда турли соҳалар билан алоқа қилишларини назарда тутади. 
Экологик тарбия мазмуни қуйидаги тамойилларга таянади: 
 Мактабгача таълимнинг давлат ва жамият талабларига мослиги; 
 Болалар шахсига йўналтирилганлиги; 
 Болаларни соғломлаштиришга қаратилганлиги; 

---

146 
 Мактабгача таълимда ўйин фаолиятининг етакчилиги; 
 Мактабгача таълимнинг инсонпарварлиги; 
 Мактабгача таълим ижтимоий таълим билан мослиги; 
 Мактабгача таълимнинг оила ва бошланғич таълим билан 
узвийлиги. 
Жисмоний, ақлий ҳамда ижтимоий, ҳиссий жиҳатдан камол топтириш 
ва уларнинг соғлиғини муҳофаза қилиш, болаларнинг эркин фикрлаш ижодий 
қобилиятларини ривожлантириш, аҳлоқий ва маънавий жиҳатдан баркамол 
шунингдек, келажакда мустақил ва онгли яшайдиган комил инсонлар этиб 
вояга етказиш учун шарт-шароитларини яратишдан иборатдир. Шундан келиб 
чиққан ҳолда атроф-муҳитни ва муомала маданиятини шакллантириш 
тушунчалари қуйидагиларни ўз ичига олади: 
 Табиатни муҳофаза қилишни, амалиётга татбиқ қилишни ўрганиш; 
 Табиатга шикаст етказмаслик; 
 Атроф-муҳитни муҳофаза қилишда ташаббускорликни уйғотиш. 
Такомиллаштирилган 
“Болажон” 
таянч 
дастурининг 
мақсади 
“Мактабгача таълимга қўйиладиган давлат талаблари”нинг бажарилишига 
эришишдан, яъни мактабга жисмонан соғлом, ақлан ва маънан етук, 
жамиятнинг турли аъзолари билан мулоқотда бўла оладиган, борлиқни аниқ 
идрок этадиган, ҳаётга ижтимоий жиҳатдан мослашувчи, умуммиллий 
қадриятларимизни қадрлайдиган, шунингдек, мустақил ва онгли яшайдиган 
болани тарбиялашдан иборатдир. 
Дастурни амалга оширишда ҳар бир болаларга қуйидаги сифатларни 
ривожлантиришни мақсад қилиб қўйиш лозим: 
 ижодкорлик, тасаввур, зукколик; 
 мустақил фикрлаш лаёқатига эга бўлиш; 
 муоммоларни аниқлаш ва уларни ҳал этиш йўлларини топпиш; 
 жамият, 
мамлакатлар, 
атроф-муҳит 
муоммоларига 
бефарқ 
қарамаслик. 

---

147 
Машғулотларни режалаштиришда тарбиячи ва ҳар бир ёш гуруҳ 
болаларини ёшини ҳисобга олиши керак. Бунда бериладиган машғулотлар 
оддийдан мураккабга қараб йўналтирилган бўлиши керак.