Касбий қайта тайёрлаш йўналиши

 
 
 
 
НАЗАРИЙ МАШҒУЛОТ 
МАТЕРИАЛЛАРИ 

---

27 
4.1.“Мактабгача таълимда замонавий ёндашувлар”модули
 
1-маъруза: Мактабгача таълимга замонавий ёндашувлар фанининг 
концепцияси. 
Режа: 
1. Мактабгача таълимгазамонавий ёндашувда хорижий тажрибалар. 
2. “Мактабгача таълим Концепцияси”нинг концептуал асоси, мактабгача 
таълимнинг асосий мазмуни, мақсад ва вазифалари. 
3.Мактабгача таълимнинг услубий таъминоти.
Таянч тушунчалар:когнитив, коммуникатив, “хан”лар, жамоавий онг, 
ижтимоий 
масъулият, 
дифференциаллашган 
таълим, 
постиндустриал 
цивилизация, 
академик 
конгломератлар, 
концепция, 
концептуал 
асоси,компетенция, адекват хулқ-атвор, “педагогик интуиция”, эмперик 
билимлар, альтруистик, гносеологик ва акмеологик ёндашувлар. 
1.1. Мактабгача таълимга замонавий ёндашувда 
хорижий тажрибалар. 
Бугунги кунда хориж тажрибаларидан андоза олиш, ижодий ёндашган 
ҳолда амалиётда жорий этиш, замон талабига мос равишда меъёрий ҳужжатлар, 
ўқув-методик адабиётлар, ўқув методик мажмуаларниишлаб чиқиш, илғор 
хорижий тажриба асосида мактабгача таълим муассасаларининг раҳбар ва 
мутахассисларида замонавий менежмент ва педагогик технологиялар бўйича 
соҳага оид билимлар ва кўникмаларни шакллантириш вазифалари долзарб 
масалалар сирасига киритилмоқда. Шу боис мамлакатимизда мактабгача 
таълим тизимини тубдан такомиллаштириш юзасидан фармон ва қарорлар 
қабул қилинди. Ўзбекистон Республикаси Президентининг «2017-2021 
йилларда мактабгача таълим тизимини янада такомиллаштириш чора-
тадбирлари тўғрисида»ги 2016 йил 29 декабрдаги ПҚ-2707-сонли, «Мактабгача 
таълим тизимини тубдан такомиллаштириш чора-тадбирлари тўғрисида»ги 
2017 йил 9 сентябрдаги ПҚ-3261-сон қарорлари, «Мактабгача таълим тизими 
бошқарувини тубдан такомиллаштириш чора-тадбирлари тўғрисида»ги 2017 
йил 30 сентябрдаги ПФ-5198-сонли Фармойиши шулар жумласидандир. 

---

28 
Хорижий мамлакатлардаги мактабгача таълим тизими фаолиятини бир 
қатор давлатлар мисолида кўриб чиқамиз.
Япония - жуда тез ривожланаётган давлат бўлиб, бу ҳол асосан 
японларнинг табиатан меҳнатсеварлик ва ишбилармонлиги билан боғлиқдир. 
Дунёдаги барча янгиликлар ва юксалишлар сари интилиш, энг сўнгги 
ютуқлардан фойдаланиш ва уларни янада ривожлантириш - бу япон халқининг 
азалий миллий одатларига айланиб қолган. Японияда жуда қадимдан халқнинг 
ақлий имкониятларидан фойдаланувчи фан ва техникани қўллаш сиёсати энг 
муҳим ўрин тутади.