Касбий қайта тайёрлаш йўналиши

 «АҚЛИЙ ҲУЖУМ» МЕТОДИ - мавзуга таалуқли кўп фикрларни 
бошланишида танқид қилмасдан, эркин холда ишлаб чиқиш жараёни. «Ақлий 
ҳужум»методининг ишлатилиши ҳилма – хилдир.

---

20 
«Ақлий ҳужум»методининг асосий вазифаси: ғояларни тўплаш учун 
кичик гуруҳларнинг кучидан фойдаланиш(кичик гуруҳнинг умумий кучи гуруҳ 
иштирокчиларининг кучлари йиғиндисидан кўпроқдир). Ақлий хужум 
муаммони ечиш билан банд бўлган одамларни кўпроқ ғояларни таклиф этишга 
(улар ичида мислсиз ва ғаройиблари ҳам бўлиши мумкин) ундайди. Ушбу 
стратегиянинг асосий тамойили: қанчалик кўп ғоялар таклиф этилса шунчалик 
битта бўлса хам ғоя тўғри бўлиши эхтимоли кўпроқдир.
Ақлий ҳужумни унумли ўтказиш қадамлари: 
1. Иштирокчиларни эркин холда ўтказинг. 
2. Ғояларни ёзиш учун қоғоз тайёрланг. 
3. Ақлий хужум иштирокчиларига муаммони етказинг. 
4. Ишлаш қоидаларини аниқланг: 
 Ғояларни таклиф қилиш жараёнида улар баҳоланмайди; 
 Эркин фикрлаш; 
 Ғоялар қанчалик кўп бўлса, шунчалик яхши; 
 Бошқалар фикрини «ушлаб олиб» уларни ривожлантиринг (уларни 
бирлаштириш, ўзгартириш ва хоказо орқали янгиларини ўйлаб топинг); 
5. Таклиф этилган ғояларни тезда қоғозга ёзиб боринг. 
6. Ёзаётган варағингиз тўлиши билан уни деворга осинг. 
7. Янги ғояларни рағбатлантиринг ва ўзингизни қўшиб боринг. 
8. Бошқаларни ғоялари устидан кулишга, танқидий изохлашга, киноялар 
қилишга йўл қўйманг.
9. Иложи борича кўпроқ-ғоялар тамом бўлмагунга қадар, давом 
эттираверинг.
Ўқув жараёнида “Ақлий ҳужум” методи маърузаларда – якка ва 
жуфтликда ишлаб, амалий машғулотларда – кичик гуруҳларда ( 4-7 киши), 
тўлиқ ўқув гуруҳида ишлатилиши мумкин. Машғулот вақтида “Ақлий ҳужум” 
методи тингловчиларни фаоллаштиришга, чарчоқни бартараф этишга, барчани 
ғоялар қидириш жараёнига жалб этишга имконият беради. 

---

21