Kasbi bo’yicha O’quv dasturlari to’plami

I bo`lim. Oziq-ovqat sanitariyasi va gigiyenasi

1-mavzu. Umumiy ovqatlanish korxonalarida ishlovchi xodimning va pazandachilik bo’yicha to’garak rahbarining shaxsiy gigiyenasi.
Shaxsiy gigiyenaning ahamiyati. Tibbiyot ko`rigi va uning ahamiyati, shaxsiy tibbiyot daftarchasi. Maxsus sanitariya kiyimlari va ulardan foydalanish qoidalari.


2-mavzu. Umumiy ovqatlanish korxonalari joylashtiriladigan hududga, qurilishiga, jihozlari, asboblari va idish-tovoqlariga qo`yiladigan sanitariya talablari.
Umumiy ovqatlanish korxonalarida ishlatiladigan jihozlar va idish-tovoqlariga qo`yiladigan sanitariya talablari. Oshxonada ishlatiladigan mexanik va nomexanik jihozlar. Oshxona idish-tovoqlarini yuvishga qo`yiladigan sanitariya talablari. Hasharotlarga qarshi kurash. Deratizatsiya.


3-mavzu. Oziq-ovqat mahsulotlarini tashishga va saqlashga qo`yiladigan
sanitariya talablari.
Oziq-ovqat mahsulotlarini tashuvchi maxsus transportlar. Tayyor va yarim tayyor mahsulotlarni tashish va saqlash qoidalari. Tez va o`ta tez buziladigan mahsulotlarni saqlash uchun talab qilinadigan sanitariya sharoitlari. Sovitiladigan va sovitilmaydigan omborxonalarga qo`yiladigan sanitariya talablari.


4-mavzu. Oziq-ovqat mahsulotlari tayyorlanishiga va birlamchi, issiqlik ishlov berilishiga qo`yiladigan sanitariya talablari.
Oziq-ovqat mahsulotlariga ishlov berganda uning sifatini saqlashda va ovqatdan zaharlanishning oldini olishda, sanitariya qoidalariga amal qilishning ahamiyati. Go`sht, baliq, sabzavot, yormalarga birlamchi ishlov berish va ulardan yarim tayyor mahsulotlar tayyorlashning sanitariya sharoitlari. Muzlatilgan mahsulotning muzini eritish. Qiyma va undan mahsulot tayyorlashning yaxna tamaddilar, xom sabzavotlardan taom tayyorlashning sanitariya qoidalari. Ovqatdan zaharlanishning oldini olishda mahsulotlarga issiqlik ishlovi berishning ahamiyati. Qandolat mahsulotlari tayyorlashga qo`yiladigan sanitariya talablari.