Касбга йўналтириш бўйича тренинг Тренингнинг бориши

Касбга йўналтириш бўйича тренинг
Тренингнинг бориши.
Бошловчи: Бу дунёда биз ўзимиз яшаётган тарихий даврни, ота-онамизни ёки ўша болалик давримизни танлай олмаслигимиз мумкин. Бошқа нарсаларни эса ўз ҳаётимизда у ёки бу маънода танлаш имконияти мавжуд. Масалан, касб танлаш. Касб танлаш энг маъсулиятли ҳисобланиб, у бизнинг келажак ҳаётимизни, тақдиримизни белгилаб беради. Касбни тўғри танлаш учун 3 та жиҳатга этибор қаратиш лозим:
биринчидан, сизнинг касбий қизиқиш ва лаёқатингиз қандай, биз буни қисқа қилиб “ҳоҳлайман” деб атаймиз;
иккинчидан, касб танлашда муҳим аҳамиятга эга бўлган, саломатлигингиз, малакангиз ва қобилиятингиз, яъни сизнинг касбий яроқлилигингиз ва имкониятларингизни “уддалайман” деб атаймиз;
учинчидан, меҳнат бозорида қандай касбларга эҳтиёжнинг мавжудлиги, уларнинг қайси бири истиқболга эга, бугунги кунда жамиятда қандай касбларга эҳтиёжнинг кучлилигини “керак” деб атаймиз.
Агар мана шу учта жиҳат уйгунлашса касбий танлов тўғри бўлиб, инсоннинг меҳнат фаолияти тадқиқот натижаларига кўра 100 фоизга самарали бўлади. Агар танланган касбга қизиқиш бўлмаса 85 фоизни ташкил этади. Агар қизиқиш ва қобилият, касбий фаолиятда айрим малака ва кўникмалар бўлмаса, бу ҳолатда самарадорлик фақатгина 30 фоизни ташкил этади.
Асосий қисм. Танишиш.
Бошловчи: Ҳозир эса танишиб оламиз. Танишишни “Менинг касбим” деб номлаймиз. Бунда ўзимиз ёқтирган касбни ва шу касб эгаси учун асосий бўлган сифатларни айтиб ўтиш талаб этилади.
Масалан; Менинг исмим Севара ва менга шифокор касби ёқади. Бу касб эгаларида инсонпарварлик, озодаликка риоя қилиш ҳамда бировнинг дардига шерик бўла олиш каби сифатлар мужассамлашган. Барча иштирокчилар айлана бўйлаб шу тарзда ўзларини таништирадилар.
Бошловчи: “Касб” сўзини эшитганингизда нимани тасаввур этасиз? ўзининг қизиқиши ва қобилиятига мос касбни танлаган инсонни қандай тасаввур этасиз?. Тренер жавобларни ёзиб боради.
Масалан: яхши ташқи кўриниш; ўзига ишонган; мақсадга интилувчан;
талабчан; ишбилармон ва ҳок.
Бошловчи: “Энди эса касбни нотўғри танлаган инсонни тасаввур этинг”:
ўз ишидан қониқмайдиган; асабий; ўзига ишонмайдиган ва ҳок.
Шунинг учун касбни тўғри танлаш, қайси соҳада фаолият кўрсатишни англаб етиш муҳим ҳисобланади.