Kasb-hunar maktabi

Axborot-atrof-muxit ob'ektlari va hodisalari, ularning o`lchamlari va holatlari to`g`risidagi ma'lumotlardir.

Axborot insonlar o`rtasida ma'lumotlar ayiriboshlash,odamlar va qurilmalar o`rtasida signallar ayiriboshlashni ifoda etadigan umummiliy tushunchadir.

Informatika fani axborot tabiat hodisalari yoki ob'ektlar to`g`risidagi tasavvurimizni o`zgartiruvchi o`zaro kontseptual bog`liq ma'lumotlar, ko`rsatkichlar,negizlar va tushunchalar sifatida qaraydi. Informatikada axborotlar bilan bir qatorda ma'lumotlar tushunchasi ham qo`llaniladi.

Ma'lumotlarga faqat saqlanadigan belgilar yoki yozib olinadigan kuzatuvlar sifatida qarash mumkin. Agar bu ma'lumotlarga biror narsa to`g`risidagi mavhumlikni kamaytirish uchun foydalanish imkoniyati tug`lsa, ma'lumotlar axborotga aylanadi. Shuning uchun axborotni foydalaniladigan ma'lumotlar deb atasa ham bo`ladi.

Masalan, qoozga telefon raqamlarini ma'lum tartibda yozib, birovga ko`rsatgansiz,u buni biror axborot bermaydigan ma'lumot sifatida qabul qiladi.Biroq ana shu har bir telefon raqami to`g`risidagi muayyan korxona yoki tashkilot nomi,uning faoliyati turi yozib qo`yilsa, avvalgi ma'lumot axborotga aylanadi.

Informatika 60 — yillarda Fransiyada elektoron hisoblash mashinalari yordamida axborotni qayta ishlash bilan shuG`llanuvchi sohani ifodalovchi atama sifatida yuzaga keldi.

Informatika atamasi lotincha informatic so`zidan kelib chiqqan bo`lib, tushuntirish,xabar qilish, bayon etish ma'nolarini anglatadi.Fransuzcha informaque ( informatika) so`zi axborot avtomatikasi yoki axborotni qayta ishlash ma'nosini anglatadi.Ingliz tilida so`zlashuvchi mamlakatlarda bu atama Computer science ( kompyuter texnikasi haqidagi fan ) sinonim mos keladi.

O`zbekiston Respublikasida informatika va hisoblash texnikasi yo`nalishida jahon darajasidagi ilmiy maktablar yaratgani,ularda tadqiqotlar muvaffaqiyatli olib borilayotganligi bilan shartli ravishda faxrlana oladi. «Matematika fanining extimollar nazariyasi va fizika, funktsional taxlil sohasidagi yutuqlari respublikadan ancha uzoqda ham mashhur» deb yozadi O’zbekiston Respublikasi Prezident I.A.Karimov.

Informatikaning inson faoliyatining mustaqil sohasi sifatida ajralib chiqishi birinchi navbatda kompyuter texnikasining rivojlanishi bilan bog`liq . Bunda asosiy xizmat mikroprotsessor texnikasiga to`Yori keladi.

Informatika - kompyuterlar yordami va ularni qo`llash muhiti vositasida axborotni yangilash jarayonlari bilan bog`liq inson faoliyati sohasidir.

Informatika keng ma'noda insoniyat faoliyatining barcha sohalarida asosan kompyuterlar va telekommunikatsiya aloqa vositalari yordamida axborotni qayta ishlashi bilan bog`lik fan, texnika va ishlab chiqarishning xilma — xil tarmoqlari birgalikda o`zida namoyon etadi.

Informatikani tor ma'noda o`zaro aloqador uch qism — texnik vositalar (hardware), dasturiy vositalar va algoritmli vositalar (brainware) sifatida tasavvvur etish mumkin

Informatika xalq xo`jaligi tarmog`i sifatida kompyuter texnikasi, dasturiy maxsulotlarni ishlab chiqarish va axborotni qayta ishlash zamonaviy texnologiyasini ishlab chiqish bilan shug`ullanadigan xo`jalik yuritishning turli shakllaridagi korxonalarning bir turda jamlanishidan iborat bo`ladi.Informatikaning ishlab chiqarish tarmog`i sifatidagi o`ziga xosligi va ahamiyati shundaki, xalq xo`jaligining boshqa tarmoqlari mehnat samaradorligi ko`p jihatdan unga bog`liqdir.Bundan tashqari bu tarmoqlar me'yorida rivojlanishi uchun informatikaning o`zida mehnat samaradorligi ancha yuqori sur'atlarda o`sib borishi lozim, chunki hozirgi davrda jamiyatda axborot ko`proq so`ngi iste'mol predmeti sifatida namoyon bo`lmoqda odamlarga dunyoda ro`y berayotgan voqealar, ularning kasbiy faoliyatiga doir predmet va hodisalar,fan va jamiyatning rivojlanishi haqida axborot zarur.

Informatika amaliy fan sohasi sifatida quyidagilar bilan shug`llanadi:

• Axborot jarayonlaridagi qonuniyatlarni o`rganish

(axborotlarni yig`ish, qayta ishlash, tarqatish)

•Inson faoliyatining turli soxalarida kommunikatsion axborot modellarini yaratish

• Aniq bir soxalarda axborot tizimi va texnologiyalarini

ishlab chiqish va ularning hayotiy bosqichini,ularni ishlab chiqarish ishlashni va hokazolarni loyihalash, ishlab chiqish bosqichlari uchun tavsiyalar tayyorlash.

Informatikaning bosh vazifasi axborotni yangilash,uslub va vositalarni ishlab chiqish va axborotni qayta ishlashning texnologik jarayonlarini tashkil etish .ulardan foydalanishni ishlab chiqishdir.