Kasb-hunar kolleji

Akseptlash – to’lovga rozilik berish.
Akseptlangan Veksel - to’loviga rozilik berilgan veksel.
Akseptlangan tratta - to’loviga rozilik berilgan o’tkazma veksel.
Akseptlanmagan tratta - to’loviga rozilik berilmagan o’tkazma veksel.
Aqor – ko’chmas mulk, er-suv, zamin tushunchalarini anglatuvchi ijtimoiy atama.
Amvol – arab. so’zidan olingan bo’lib, xususiy shaxsga qarashli mulk, mol-dunyo, kapital degan ma’noni anglatadi.
Amortizasiya - 1.asta-sekin eskirayotgan asosiy fondlar qiymatini ishlab chiqarilayotgan mahsulot qiymatiga o’tkazish. 2.asosiy fondlar qiymatini ular vositasida ishlab chiqariladigan mahsulot va hizmatlar tannarxiga asta-sekin o’tkazish hamda eskirgan asosiy fondlarninig o’rnini keyinchalik qoplash maqsadida to’plab boriladigan pul mablag’lari.
Amortizasiya fondi - eskirgan asosiy fondlarninig o’rnini keyinchalik qoplash maqsadida pul mablag’larini to’plab borishga muljallangan fond.
Amortizasiyalanadigan qiymat – bu aktivning moliyaviy hisobotlarda ko’rsatilgan boshlang’ich qiymatidan uning taxminiy tugatish qiymatini ayirgan holdagi summasidir
Analitik schyotlar - sintetik schyotlardagi (sintetik schyotga qarang) ma’lumotlarni tavsilotlab, aniqlashtirib ko’rsatuvchi schyotlarga aytiladi.
Analitik hisob - analitik schyotlar yordamida amalga oshiriladigan hisob.
Avans - korxonaning bajariladigan ish, etkazib beriladigan mol-mulk, ko’rsatiladigan xizmatlar va boshqalar uchun to’lanadigan to’lovlar hisobiga beradigan dastlabki pul summasi.
Avizo – (ital. aviso)- bank, tijorat amaliyotida hisob-kitob harakatlarining bajarilganligi to’g’risida rasmiy xabarnoma. Bir konragent tomonidan ikkinchisiga jo’natiladi. Avizo yordamida banklar o’z mijozlarini hisob varaqalari bo’yicha kirim va kredit qaydlari, hisob varaqasidagi qoldiq mablag’lar, pul o’tkazmalarini to’lash, chek talabnomasi akkreditiv ochish va boshqa harakatlar to’g’risida xabardor qiladi. Tovar jo’natuvchi tomonidan tovarni qabul qiluvchiga tovar jo’natilgani haqidagi xat ham avizo deb ataladi.