Kasb-hunar kolleji

Aralash tadbirkorlik - bu bitta yuridik shaxs va bir necha jismoniy shaxs mulkini birlashtirish yo’li bilan tashkil qilinadigan faoliyat.
Aylanma aktivlar - korxonalar va tashkilotlarning buxgalterlik balansi aktiv qismida aks etiriladigan me’yorga solinadigan va me’yorga solinmaydigan aylanma mablag’lar.
Aylanma qaydnomalar - banklarda hisob axborotlarga kompyuterlarda buxgalteriya ishlovi berilsa, ya’ni analitik va sintetik hisob ma’lumotlari avtomatik tarzda solishtirilsa bunday usul bilan balans schyotlari bo’yicha oborotlar yig’iladi va aylanma qaydnomalar tuziladi.
Aylanuvchanlik - bu qimmatli qog’ozning bozorida harid qilishga va sotilishga, shuningdek ko’pchilik hollarda boshqa tovarlar muomalasini osonlashtiruvchi mustaqil to’lov vositasi sifatida qo’llanishga qodirligidir.
Audit – xo’jalik faoliyatini tekshirish, taftish va tahlil qilish.
Auditor – malaka Sertifikatiga ega bo’lgan jismoniy yoki yuridik shaxsdir.
Auditorlik faoliyati -auditorlik tashkilotlarning auditorlik tekshiruvlarini o’tkazish va boshqa shu bilan bog’liq professional xizmat ko’rsatish borasidagi tadbirkorlik faoliyati tushiniladi.
Auditorlik tekshiruvi – moliyaviy hisobot va boshqa moliyaviy axborot tug’riligi va qonun hujjatlariga mosligini aniqlash maqsadida xo’jalikyurituvchi subektlarning moliyaviy hisobotini hamda u bilan bog’liq moliyaviy axborotni auditorlik tashkilotlari tomonidan tekshirishdir.
Auditning maqsadi - taqdim qilinayotgan hisobotlar tug’riligi, mavjud holatni aks ettirishi, uning qonuniyligi hamda moliyaviy hisobot va buxgalteriya hisobi talablariga mos kelishini aniqlashdan iborat.
Asosiy vositalar – bu moddiy ishlab chiqarish sohasida va ishlab chiqarishga taalluqli bo’lmagan sohada uzoq muddat davomida (bir yildan ortiq) harakatda bo’ladigan hamda ijaraga topshirilib ham foydalaniladigan moddiy aktivlardir.
Asosiy vositalarning eskirishi - bu asosiy vosita obektlarining dastlabki imkoniyatlarini yo’qotganliklarini tasniflovchi jarayondir (Jismoniy va ma’naviy).
Aholi pul jamg’armalari - bu aholining iste’mol maqsadlariga vaqtincha ishlatilmay bo’sh turgan, kredit muassasalarining birida yoki aholining o’z qo’lida yig’ilgan daromadlarining bir qismidir.