Касалликлари ва зараркунандаларига қарши

Типратиконлар, олмахонлар, барсуклар, юмронкозиқлар турли- туман қушлар, қурбақалар, ўргимчаклар хам бир қанча қурт-қумурсқалар ва зараркунандаларни йўқотишга ёрдам берадилар.
Хон кизи – кичкина, қизил рангли, қора нуқтали қўнғизлар бўлиб, улар турли хил ўсимлик битлари билан озиқланадилар. Улар бир суткада 70 тагача битларни сўриб ташлаш қобилиятига эгадирлар. Хаёти давомида эса уларнинг биттаси 800 тагача зараркунанда битларни қуритадилар. Шунинг учун ҳам уларни кўпайтирадиган фермалар мавжуд бўлиб, фермерлар хон
қизларининг тўдаларини улардан сотиб оладилар ва бу билан хосил бир қанча турдаги зараркунандалардан химоя қилинишини таъминлайдилар.
Яна бир биологик ёрдамчи – сирфид пашшаси нинг личинкалари бўлиб, улар зараркунанда хашоротларга қарши курашда ёз давомида катта ёрдам берадилар.
Агар дала атрофига гуллаб турган укроплар, селдерейлар, сабзилар экилса, улар биологик ёрдамчиларни (олтин кўзга ўхшашларни) чақириб олиш учун хизмат қиладилар. Биологик ёрдамчи хашоратлар эса зараркунандаларнинг урғочиларига тухумлар қўйиб, уларнинг кўпайишини анча тўхтатадилар. Олтин кўзнинг личинкаси эса ўз ривожланиш даврида 600 тагача битни йўқотиши мумкин.
Яна бир фойдали хашорот афелинус бўлиб, қонли бит билан тўқнаш келганда дархол унинг танасига ўзининг битта тухумини қўяди. Тўрт кундан сўнг тухумдан личинка пайдо бўлади ва у қонли битнинг сокларидан озиқланган холда катталашади. Битта урғочи афелинус ўз хаёти давомида 140 тагача тухум қўяди ва 6-9 тагача авлод беради.
Подизус деб номланган хашорот эса Колорадо қўнғизларининг личинкалари билан озиқланади, баргхўр, капалак қуртлари, шу жумладан Америка оқ капалаги билан ҳам озиқланади.