Касалликлари ва зараркунандаларига қарши

Помидор қайнатмаси: 4 кг помидор ва унинг тана қисми майдаланиб, унга 3 литр сув қўшилади ва 10 минут давомида паст оловда қайнатилади. Ундан сўнг қайнатмани тиндириб қўйилади, кейин фильтрланади. Энди унга яна 7 литр сув ва 30 грамм майдаланган совун қўшилиб, яхшилаб аралаштирилади. Бу қайнатмани пуркаш олма зараркунандаларига, битларга, чивинларга, карам шарасига ва майда кемирувчиларга қарши яхши самара беради.
Тамаки ёки махорка ивитилган сув ёки қайнатмасига майдаланган совун қўшиб, пуркалса, ўсимликларнинг турли хил зараркунандаларига қарши жуда яхши таъсир қилади.
Ок горчица (магазинларда сотиладиган порошок): 10 грамм порошокни 1 литр сувга 2 сутка солиб қўйилади (ёпиқ идишга солиниши керак) ва сўнгра фильтрланади. Тайёрланган эритманинг хар 200 граммига 800 миллилитр сув қўшиб ўсимликларга пуркалади. Бу қўлбола дори ҳам кўп хил зараркунандалар (тамаки трипси, битлар, сўрувчилар, майда кемирувчилар) га қарши курашда ёрдам беради.
Картошка: 1,2 кг картошка поясини 10 литр сувга 4 соат давомида солиб қўйилади, сўнгра фильтрланиб, унга 40 грамм майдаланган совун қўшилади ва яхшилаб аралаштирилади. Бу эритма карам шираси, қўнғизлар, битлар ва чивинларга қарши ижобий самара беради.
Пиёз: 200 грамм майдаланган пиёз ва унинг пўчоқларига 10 литр сув қуйилади ва уни 5 кун аралаштириб турган холда сақланади. Ундан сўнг фильтрланади ва бу эритма шира, унли қурт, қўнғиз, сўлакли қуртлар ва қўғирчоқ бўлиб олган зараркунандаларга қарши ўсимликларга пуркалади.
Календула: Бу ўсимликнинг 200 грамм уруғи 10 литр сувга бир қанча муддат солиб қўйилади. Сўнгра хосил бўлган эритма нематодаларга қарши ўсимликларга пуркалади.
Цитрусли мевалар : (лимон, апельсин, мандарин) Уларнинг 1 кг майдаланган пўстлоқлари 3 литрли банкага солиниб, устидан сув қўйилади, яхшилаб беркитилади ва 5 кун салқин жойга қўйилади. Сўнгра уни фильтрлаб, бошқа идишга олинади. Энди хосил бўлган эритмадан 100 граммини ва 40 грамм майдаланган совунни 1 пақир сувда суюлтирилади ва уни ўсимликларга пуркалади. Бу қўлбола дори трипсга, майда хашоратларга ва битларга қарши ўсимликка пуркалади. Эритмани яхшилаб ёпилган идишда узоқ муддат сақлаш мумкин.