Kartografiya va geovizuallashtirish

Tezkor (operativ) kartalarni tuzish.Tezkor kartalarni tuzishda aerokosmik 
ma‘lumotlarning  o‗rni  juda  katta.  Bunday  kartalarni  tuzishda  masofadan  olingan 
ma‘lumotlar  (kosmik  surat)ga  tezkorlik  bilan  avtomatik  ravishda  ishlov  berilib,  
kartografik  o‗lchamlarga  keltiriladi.  Eng  tezkor  kosmofotokartalardan  biri 
meteorologik kartalar hisoblanadi. Tezkor tarzda ma‘lum qisqa vaqt ichida o‗rmon 
yong‗inlari, suv toshqinlari, qishloq xo‗jaligi ekinlarining maydoni, kasalliklari va 
boshqalarning  fotokartalarini  tuzish  mumkin.  Bundan  tashqari,  ekologik  holatlar, 
tabiiy  va  antropogen  jarayon  va  hodisalarning  tezkor  kartalarini  ham  tuzish 
mumkin.  Kosmofotokartalardan  qishloq  xo‗jaligi  ekinlarining  pishib  etilishi, 
hosildorligi,  qor  qoplami  hosil  bo‗lishi,  tog‗li  hududlarda  qor  ko‗chkilari,  sel  va 
boshqa shularga o‗xshash hodisalarni o‗rganish va kuzatish uchun foydalaniladi. 
Atrof-muhit  va  uning  alohida  komponentlarining  hozirgi  holatini 
masofadan olingan ma‘lumotlar va kartalar asosida kuzatish, o‗rganish va nazorat 

---

 
 
91 
qilish  aerokosmik  monitoring  yoki  kartografik-aerokosmik  monitoring  deb 
yuritiladi. 
Kosmik monitoring jarayon, voqea va hodisalarni kuzatibgina qolmasdan, 
ularning rivojlanishi, ma‘lum hududlarda tarqalishi va holati, ya‘ni sifat va miqdor 
ko‗rsatkichlarini  baholab,  xavfli  oqibatlarga  olib  keluvchi  natijalarning  oldini 
oluvchi  chora-tadbirlarni  ilmiy  asoslangan  ravishda  ishlab  chiqishga  yordam 
beradi. Ma‘lum geografik hududdagi voqea, hodisa va jarayonlarning dinamikasini 
baholash  va  prognoz  qilish  uchun  asos  yaratiladi.  Shuning  uchun  tezkor  kartaga 
olish  va  operativ  fotokartalar  tuzish  tabiiy  va  antropogen  jarayon,  voqea  va 
hodisalar  rivojlanishini  nazorat  qilish  vositasi  hamda  ularni  boshqarishda  to‗g‗ri 
qarorlarni qabul qilishni ta‘minlovchi asosiy manba bo‗lib xizmat qilmoqda.