Kartografiya va geovizuallashtirish

Kartalarni  yangilash.  Aerokosmik  s‘yomkalarning  takroriy  bajarilishi, 
ya‘ni  yangi  kosmik  ma‘lumotlarning  olinishi  1:10  000  masshtabdan  boshlab 
barcha masshtablardagi topografik va mavzuli kartalarni doimiy ravishda yangilab 
borish  imkoniyatlarini  beradi.  Kartalarni  yangilashda  ularning  xizmat  qilish 
muddati, er yuzasida bo‗layotgan o‗zgarishlar va ularning tezligi, tez o‗zgaradigan 
obyektlar  va  tafsilotlar  tarqalgan  erlar  alohida  ajratib  olinadi  va  bu  hududlar 
kartalari  birinchi  navbatda  yangilanadi.  Masalan,  qishloq  xo‗jaligi  maqsadlarida 
o‗zlashtirilgan  erlar.  Foydali  qazilma  konlaridan  jadallik  bilan  foydalanilayotgan 
erlar, shahar, yo‗l va gidrotexnik qurilishlar o‗tkazilayotgan erlarning kartalari har 
yili yoki ikki yilda bir marta yangilansa, aholi kam yashaydigan  o‗zlashtirilmagan 
hududlar kartalari har besh yoki o‗n yilda bir marta yangilanadi. 
Topografik  va  mavzuli  kartalarni  yangilash  uchun  kosmik  suratlardan 
foydalanish  karta  tuzish  jarayoni  va  tahrir  qilish  ishlarini  osonlashtiradi.  Karta 
tuzish  va  kartani  yangilash  uchun  manbalarni  tanlash  va  saralash  hamda  kartasi 
yangilanayotgan  hududning  o‗ziga  xos  geografik  xususiyatlari  bilan  tanishish 
uchun  ketadigan  vaqt  qisqardi.  Kartografik  generalizatsiya  ishlari  osonlashdi  va 
soddalashtirildi.  Shu  bilan  birga  kartaning    aniqlik  darajasi  ortadi,  tafsilotlarning 
berilishi va karta ma‘nosi mantiqan to‗g‗ri tuziladi.