Каримова мавжуда

«Бумеранг» интерфаол технологияси. Бу технология ўқувчи (талаба)
ларни дарс жараёнида, дарсдан ташқарида турли адабиёт, материаллар билан
ишлаш, ўрганилган материалларни сақлаб қолиш, сўзлаб бера олиш, фикрни
эркин ҳолда баён эта олиш ҳамда бир дарс давомида барча ўқувчи
(талаба)ларни баҳолай олишга қаратилган.
Мазкур технологик машғулот давомида ўқув материалини чуқур ва
яхлит ҳолатда ўрганиш, ижодий тушуниб етиш, эркин эгаллашга
йўналтирилган.
У турли мазмун ва характер (муаммоли, мунозарали, турли мазмунли)
эга бўлган мавзуларни ўрганишга яроқли бўлиб, ўз ичига оғзаки ва ёзма иш
шаклларини қамраб олади ҳамда бир машғулот давомида ҳар бир
иштирокчининг турли топшириқларни бажариши, навбат билан ўқувчи ёки
ўқитувчи ролида бўлиши, керакли баллни тўплашга имконият беради.
«Бумеранг» технологияси 
танқидий 
фикрлаш 
мантиқий
шакллантиришга имконият яратади; хотирани, ғояларни, фикрларни,
далилларни ёзма ва оғзаки шаклларда баён қилиш кўникмаларини
ривожлантиради.
Мазкур интерфаол усули таълим билан бир қанча тарбиявий
характердаги қатор вазифаларни амалга ошириш имконини беради:
- жамоа билан ишлаш маҳорати;
- муомалалик;
- кўникувчанлик;
- ўзгалар фикрига ҳурмат;
- фаоллик;
- раҳбарлик сифатларини шакллантириш;
- ишга ижодий ёндашиш;

---

71
- ўз фаолиятини самарали бўлишига қизиқиш;
- ўзини холис баҳолаш.
Тармоқлар (кластер) интерфаол технологияси. Бу интерфаол методи
– ўқувчи (талаба)ни мантиқий фикрлаш, умумий фикр доирасини
кенгайтириш, мустақил равишда адабиётлардан фойдаланишга ўргатишга
қаратилган.
Фикрлашнинг тармоқланиши – бу педагогик стратегия бўлиб, у ўқувчи
(талаба)ларнинг бир мавзуни чуқур ўрганишларига ёрдам бериб, уларни
мавзуга тааллуқли тушунчага ёки аниқ фикрни эркин ва аниқ равишда
маълум кетма-кетлик билан узвий боғланган ҳолда тармоқланишларига
ўргатади.
Мазкур интерфаол метод билан бир мавзуни чуқур ўрганишдан аввал
ўқувчиларнинг фикрлаш фаолиятини жадаллаштириш ҳамда кенгайтириш
учун хизмат қилиш мумкин. Шунингдек, ўтилган мавзуни мустаҳкамлаш,
яхши ўзлаштириш, умумлаштириш ҳамда ўқувчи (талаба)ларни ушбу мавзу
бўйича тасаввурларини чизма шаклда ифодалашга ундайди.
«Кластер» методи ёрдамида ўзлаштирилган билимларни мустаҳкамлаш
қуйидагича амалга оширилади:
Ўқувчи (талаба)лар гуруҳларга бўлинадилар ва уларга белгиланган
вақт ичида мавзу бўйича қандай тушунчаларни ўзлаштирган бўлсалар,
уларни қоғозга ёзиш вазифаси топширилади. Вазифани бажариш жараёнида
фикрларнинг тўғри ёки нотўғрилигига аҳамият бермаслик, нимани ўйлаган
бўлса, шуни ёзиб бориш талаб этилади. Ёзувнинг техник (орфографик,
мантиқий ва ҳ.к.) жиҳатларига эътибор бермаслик айтиб ўтилади. Фикрлар
тугагандан кейин гуруҳ аъзолари тушунчаларни мантиқий жиҳатдан бир-
бирига боғлаб чиқадилар.
Қуйида ушбу интерфаол метод учун намуна сифатида IX синф тарих
фани бўйича «Жаҳон динлари» ҳамда олий ўқув юрти «Физика тарихи» ва

---