Каримов А. А., Исломов Ф. Р., Авлоқулов А. З. Бухгалтерия ҳисоби

Лизинг объектини сотувчи корхонадаги бухгалтерия ҳисоби. Лизинг объектини сотувчи корхона лизинг компанияси билан олиб бориладиган ҳисоб-китобни қуйидагича расмийлаштиради:
- лизинг компаниясидан жўнатиладиган лизинг объектлари қийматидан бўнак олинди - 270000 сўм:
Д-т 5110-«Ҳисоб-китоб счЄти» - 270000 сўм
К-т 6310-«Харидор ва буюртмачилардан олинган бўнаклар» - 270000 сўм;
- лизинг объекти лизинг компаниясига жўнатилганида:
а) шартнома баҳоси - 900000 сўм;
б)ЌЌС - 100000 сўм;
Д-т 4010-«Харидор ва буюртмачилардан олинадиган счЄтлар» - 1000000 сўм
К-т 9010-«Маҳсулот сотишдан олинган даромадлар» - 900000 сўм
К-т 6410-«Бюджетга тўловлар бўйича қарздорлик» - 100000 сўм;
- лизинг компаниясидан юборилган лизинг объектлари учун пул келиб тушганида - 730000 сўм:
Д-т 5110-«Ҳисоб-китоб счЄти»- 730000 сўм
К-т 4010-«Харидор ва буюртмачилардан олинадиган счЄтлар» - 730000 сўм;
- бюджетга ЌЌС суммаси ўтказиб берилганида - 100000 сўм:
Д-т 6410-«Бюджетга тўловлар бўйича қарздорлик» - 100000 сўм
К-т 5110-«Ҳисоб-китоб счЄти» - 100000 сўм;
- олдиндан олинган бўнак суммаси қопланганда - 270000 сўм:
Д-т 6310-«Харидор ва буюртмачилардан олинган бўнаклар» - 270000 сўм
К-т 4010-«Харидор ва буюртмачилардан олинадиган счЄтлар» - 270000 сўм.
Лизинг тўловларини маҳсулот таннархига ўтказиш тартиби. «Харажатлар таркиби тўЃрисида»ги Низомга биноан лизинг тўловлари ҳам харажат объекти бўлиб ҳисобланади. Лизинг тўловларининг умумий суммаси қуйидагилардан иборат:
- қайтариладиган лизинг объектининг тўлиқ суммасидан лизинг шартномасига биноан сотиб олинган мулк учун олинган кредит ресурслар бўйича тўланма;
- лизинг берувчига тўланадиган комиссион тўланма;
- суЃурта тўлови (агар лизинг объекти суЃурта қилинса);
- бошқа харажатлар.
Лизинг тўловлари лизинг олувчи томонидан ишлаб чиқарилган маҳсулот (иш, хизмат) лар таннархига киритилади, чунки лизинг шартномасини шаклан ижара шартномасининг бир тури деб ҳисоблаш мумкин.
Лизинг олувчи лизинг мулкини асраш, лизинг берувчи олдидаги ўз мажбуриятини суЃуртаси қўшилган ҳолда объектнинг суЃуртаси, шунингдек, агар шартномада бошқа ҳоллар кўзда тутилмаган бўлса, бу мулкдан фойдаланиш, техник хизмат кўрсатиш ва таъмирлаш билан боЃлиқ бўлган харажатларни ўз ҳисобидан қилади.
Ижарага олинган асосий воситаларни сақлаб туриш харажатлари маҳсулот (иш, хизмат)ларнинг таннархига киритилади.