Karimjon rahimqulov bori nigmonov

Pastdan to‘pni o‘yinga kiritish. 
To‘pni o‘yinga kiritishni ba-
jarishda o‘yinchi to‘rga yuz bilan turishi eng qulay holat hisoblana-
di. Oyoqlar yelka kengligida va biroz bukilgan holda qo‘yiladi. Bit-
ta oyoq maydonchada oldinga qo‘yiladi. To‘p tirsakdan bukilgan 
qo‘lda bo‘lib, taxminan bel balandligida bo‘ladi. Zarba beruvchi 
qo‘l siltash uchun orqaga uzatiladi, so‘ngra yuqoriga otilgan to‘p 
pasayishi vaqtida past-orqa tomoniga zarba beriladi. Zarba berish 
vaqtida panjalar muhkam jipslashtiriladi. Gavdaning og‘irligi orqa-
da turgan oyoqdan oldinda turgan oyoqqa o‘tkaziladi. To‘pning 
uchish yo‘nalishi va balandligi panjaning to‘pga tegish vaqtiga 
bog‘liq bo‘ladi. To‘pni oshirishni musht bilan ham bajarish mum-
kin. Yonboshdan to‘pni o‘yinga kiritishning to‘pni pastdan to‘g‘ri 
oshirishdan farqi shundaki, bunda o‘yinchi to‘rga yon tomoni bi-
lan turadi. To‘p chap qo‘lda bel balandligida ushlab turiladi. To‘pni 
1 m balandlikka irg‘itib uruvchi (o‘ng) qo‘lni to‘g‘ri ushlagan hol-
da past-orqaga siltash uchun uzatiladi. Gavda yengilgina burilib, 
shu tomonga engashiladi. Tananing og‘irligi o‘ng oyoqqa o‘tkazi-
ladi. Zarba to‘pning past-old tomoniga beriladi.