Kardiomiopatiyalar

Idiopatik DKMPning tashxisiy mezonlari (Mestroni va xammualiflar, 1999):

Katta tashxisiy mezonlar:

• 
  yurak dilatatsiyasi;
  
• 
  tashlamasi fraksiyasi 45% dan kam va/ yoki chap qorinchaning oldi orqangi o‘lchamini < 25% dan ga teng bo‘lib qisqarishi.
  

Kichik tashxisiy mezonlar:

• 
  tushunarsiz supraventrikulyar (bo‘lmachalar fibrillyatsiyasi yoki boshqa turg‘un aritmiyalar yoki qorinchalar aritmiyalar, to 50 yoshgacha;
  
• 
  chap qorinchani kengayishi (chap qorinchaning oxirgi diastolik o‘lchami yoshga va tana yuzasini xisobga olib belgilangan me’yordan >117% ortiq);
  
• 
  tushunarsiz o‘tkazuvchanlik buzilishlari: atrioventrikulyar qamal 2-3 darajasi, Gis tutami chap oyoqchasini to‘liq qamali, sinoatrial qamal;
  
• 
  tushunarsiz qo‘qqis o‘lim yoki insult, 50 gacha bo‘lgan yoshda.
  

DKMP uchun ifodali bo‘lgan EKG o‘zgarishlari 6-rasmda aks etdirilgan. Dilatatsiya xaqida bilvosita dalolat qiluvchi, yurak barcha kameralarining gipertrofiyasi belgilari aniqlanadi. O‘ng bo‘lmacha gipertrofiyasi (P-pulmonale) – baland bo‘yli o‘tkir nayzali R tishchasi II, III, aVF ulanishlarda. Chap bo‘lmacha gipertrofiyasi (R-mitrale): kengaygan ikki fazali (2-chi fazasi ustuvorligi bilan) II, III, avF, V₁-V₃ ulanishlarda Chap qorincha gipertrofiyasi: bo‘ydor R tishchalari V₅-V₆ da va ularni V₄ dagidan va V₁-V₂ chuqur S tishchalaridan kuchli ifodalanishi. O‘ng qorincha gipertrofiyasi: yurak elektrik o‘qini o‘ngga og‘ishi - RIII>RII>RI. Bundan tashqari V₁-V₃ da patologik Q tishchalar, ST segmenti va T tishchasining o‘zgarishlari (o‘choqli va diffuzli kardioskleroz sababli kelib chiqadilar va MI ni eslatadi). Aritmiyalar, ayniqsa xilpilovchi aritmiya AV-qamal, Gis tutami chap oyoqchasini to‘liq qamali kuzatiladi.

13-rasm. Dilatatsion kardiomiopatiyada EKG o‘zgarishlari

Ko‘krak qafasi rentgenografiyasi kardiomegaliyani, o‘pka manzarasining kuchayishini, goxida plevraga suyuqlik to‘planishini aniqlaydi.

ExoKG yurak kameralari dilatatsiyasini, miokard qisqarish imkoniyatini pasayishini (tashlama fraksiyasi 50% dan ziyodga kamayadi), patologik mitral va trikuspidal regurgitatsiyalarni, yurak ichiga tromblarini aniqlash imkoniyatini beradi.