Kardiomiopatiyalar

Davolash

Davolashning maqsadlari: aritmiyalarni bartaraflash, yurak yetishmovchiligini davolash, tromboemboliyalarni profilaktika qilish va davolash.

DKMP da jismoniy zo‘riqish berish chegaralanadi. Parxez -10-chi stol ( 1500 ml/sutkasigacha) va osh tuzini chegaralash bilan.

Barcha bemorlarga, moneliklar bo‘lmagan taqdirda, APF ingibitorlari buyuriladi (kaptopril, enalapril, perindopril, lizinokor, ramipril, amprilan va b.q.). Ular yurak yetishmovchiligining kelib chiqishini va shiddatlanishini ogoxlashadi. Shishlar rivojlanganda terapiyaga diuretiklar (furosemid, indafon) qo‘shiladi. Og‘ir yurak yetishmovchiligida terapiyaga spironolakton (25-50 mg/sut) kiritiladi.

Ritm buzilishlarini, jumladan, xilpillovchi aritmiyani xam, davolash ko‘proq β-adrenoblokatorlar bilan o‘tkaziladi (metoprolol, bisoprolol, karvedilol, emkor, koronal). Shuningdek kordarondan xam foydalaniladi. Yurak glikozidlari bilan davolash, xattoki kichik terapevtik miqdorlarda xam (0,25-0,375 mg/sut), ko‘pincha gliokozidli intoksikatsiyaga olib keladi.

Tromb xosil bo‘lishlilikka moyillik bo‘lganligi bois uzoq muddatga antiagregantlarni– atsetilsalitsil kislotasini 75-100 mg/sut miqdorda qo‘llash maqsadga muvofiq bo‘ladi.

Ko‘rpa-to‘shak rejimida bo‘lgan bemorlarga bevosita (to‘g‘ri) ta’sir etuvchi antikoagulyantlar buyuriladi: geparin qorinni teri osti yog‘ kletchakasiga 5000 YeD dan sutkasiga 2 maxal, trombotsitlarni nazorati ostida. Ko‘rpa-to‘shak rejimi davomida yana nadroparin kalsiy t/o 0,3 ml dan (2850 ME) sutkasiga 1 maxal yoki endoksaparin natriy t/o 0,2-0,4 ml dan (20-40 mg) sutkasiga 1 maxal buyuriladilar.

Anamnezda bemorlar tomonidan xilpillovchi aritmiyalar, tromboemboliyalarni boshdan o‘tkazganlik ko‘rsatilsa-bilvosita ta’sir ko‘rsatuvchi antikoagulyantlar buyuriladilar: varfarin ichishga 10 mg dan 1-2 maxal xar kunlik MNO yoki protrombin indeksini nazorati ostida. Stabil MNO 2,0-3,0 ga erishilgandan so‘ng maxal buyuriladi va bu uzoq muddat davom etdiriladi. MNO stabil darajasiga erishilganidan so‘ng varfarin ichish uchun 2-10 mg dan sutkasiga 1 maxal qonning ivuvchanligi xar 4-6 xaftada nazorat qilinib turiladi.

DKMP bilan bemorlarda dekompensatsiya shiddatli tus olib kecha boshlaganda yurak transplantatsiyasi tavsiya etiladi.