Kamtukli halqali chuvalchanglar sinfi

Kamtuklilarning tana devori va teri-muskul xaltasi ko‘ptuklilarnikiga o'xshash tuzilgan. Teri epiteliysi hujayralarining asosiy qismini shilimshiq bezli hujayralar tashkil etadi. Ular chuvalchang terisi yuzasiga shilimshiq modda ishlab chiqarib turadi. Bunday hujayralar yomg‘ir chuvalchangining 31-37 halqalarining yo‘g ‘onlashuvidan hosil bo‘lgan belbog‘ida ayniqsa ko‘p bo’ladi. Ko'payish davrida bu bezlar suyuqligidan pilla hosil bo‘ladi.

Ichki tuzilishi:

Kamtuklilar teri-muskul xaltasining tuzilishi ko'ptuklilarnikiga o‘xshaydi. Epiteliy ostida teri-muskul xaltasining tashqi halqa qavati, uning ostida bo'ylama qavati joylashgan. Selom bo’shlig‘i dissepimentlar va qorin mezenteriysi bilan alohida kameralarga bo‘lingan. Ovqat hazm qilish sistemasi ixtisoslashgan, halqum, qizilo‘ngach, muskulli oshqozon, o‘rta va orqa ichak bo‘limlariga bo’linadi.

• Yomg‘ir chuvalchanglarida qizilo‘ngach kengayib jig‘ildonni hosil qiladi. Qizilo‘ngachga morrenov bezi deb ataladigan uch juft bezlarning yo‘li ochiladi. Bezlar ajratib chiqaradigan ohak oziq tarkibidagi gumus kislotasini neytrallashtiradi.

Qon aylanish sistemasi

Qon aylanish sistemasi ko‘ptuklilarnikiga o‘xshaydi. Qonning qon tomirlar bo‘ylab aylanishini orqa va halqum atrofidagi halqa qon tomirlari ta’minlab turadi. Kamtuklilar teri orqali nafas oladi. Terida kapillar qon tomirlar qalin to‘r hosil qiladi.

Ayirish sistemasi

Ayirish organlari har bir halqada bir juftdan joylashgan metanefridiylardan iborat. O‘rta ichak va qon tomirlarini sirtdan qoplab turadigan xloragogen hujayralar ham ayirish funksiyasini bajaradi. Xloragogen hujayralarda tana bo‘shlig;idagi qattiq ayirish mahsulotlari to‘planadi. Bu hujayralar mahsulotlari tana bo‘shlig‘iga tushib, maxsus teshik orqali chiqarib yuboriladi

Nerv sistemasi

Nerv sistemasi boshqa halqali chuvalchanglarnikiga o ‘xshash bo’lib, bir juft halqum usti gangliylar, halqum atrofi konnektivalar va qorin nerv zanjiridan iborat. Sezgi organlari kuchsiz rivojlangan. Ko‘zlari bo’lmaydi, yomg‘ir chuvalchanglari terisi yuzasida yorug‘likka juda sezgir hujayralar bo‘ladi.