Камол Раҳмонов вобкент тарихи

Касб-ҳунар коллежлари. Туман ҳудудида мавжуд бўлган касб-ҳунар коллежлари сони 7 та бўлиб, уларда таҳсил олаётган талабалар 5729 нафардир. Уларга 424 нафар ўқитувчилар дарс бермоқда(2014 йил 1 январ маълумоти).
Вобкент қишлоқ хўжалик касб-ҳунар коллежи.
Бухоро вилоят ҳокимлигининг 1999 йил 12-ноябрдаги 124-қарорига асосан, 1999 йил 17-июлда Вобкент туман ҳокимлигининг 439-Қарори билан қишлоқ хўжалик йўналишидаги касб-ҳунар коллежи ташкил этилди. Коллежда 9-синфни тугатган ўқувчилардан 1999 йил сентябрда 180 нафари билан дарс бошланди. Коллежда “агрохимия”, “чорвадор фермер”, “қишлоқ хўжалик машина жиҳозларидан фойдаланиш”, “бухгалтерия ҳисоби”, “молия”, “ҳуқуқий хўжалик фаолияти” йўналишлари бўйича ўқишлар ташкил этилди. Коллежда анчагина тажрибага эга бўлган Бахтиёр Исаев директор этиб тайинланди. Коллежда ўқитувчилар танлов асосида қабул қилинди. Коллеж замонавий бинода барча ўқув қуроллари ва техника воситалари билан таъминланган. Ҳозирги кунда коллежда 1109 нафар талаба қуйидаги йўналиш ва кичик мутахассисликлар бўйича таҳсил олиб, касб-ҳунар сирларини ўрганмоқдалар. “Автомобилларга техник хизмат кўрсатиш”, “Қишлоқ ҳўжалик машина ва жиҳозларини ишлатиш”, “Компьютер ва компютер тармоқларини монтаж қилиш”, “Иқтисодчи”, “Ўсимликларни ҳимоя қилиш агрономи”, “Чорвадор фермер” ва ҳоказо.
Талабаларга жами 82 нафар ўқитувчилар касб –ҳунар ўргатмоқдалар.
Коллежнинг моддий-техник базаси 2012-2013 ўқув йилида анча мустаҳкамланди. Талабаларга автомобил бошқаришни ўргатиш учун 2 та “Тико” русумли автомобиль тақдим этилди.
Ҳозирда коллежни Жўраев Тўлқин Исроилович бошқармоқда. Унга Исломов Жонрид-касбий таълим бўйича, Камолова Дилафруз-ўқув ишлари бўйича, Истамов Лочин-маънавий-маърифий ишлар бўйича директор ўринбосарлари сифатида кўмаклашмоқдалар.
Вобкент маиший хизмат касб-ҳунар коллежи.
Ўзбекистон Республикаси “Таълим тўғрисида”ги қонуннинг 27-моддаси, Ўзбекистон Республикаси Вазирлар Маҳкамасининг 1998 йил 24 феврал 77-сонли «Академик лицей ва касб-ҳунар коллежларини ташкил этиш ҳамда уларнинг фаолиятини бошқариш тўғрисида»ги, 2003 йил 29 октябрдаги 473-сонли «Умумий ўрта ва ўрта маҳсус, касб-ҳунар таълимига изчил ўтишни таъминлашга доир қушимча чора-тадбирлар тўғрисида»ги ҳамда Бухоро вилоят ҳокимининг 2002 йил 13 сентябрдаги 661 - сонли қарорига асосан маиший ҳизмат касб-ҳунар коллежи қайта реконструксия қилиш хисобидан ташкил этилган.
Ҳозир коллежда 43 нафар ўқитувчи, жумладан, 25 нафар умумтаълим фанлари, 18 нафар махус фанлар ва 2 нафар ишлаб чиқариш таълими усталари ҳамда 58 нафар ишчи ҳизматчилар фаолият кўрсатмокда. Олий тоифали ўқитувчи 1 нафар, Етакчи ўқитувчи 1 нафар , Катта ўқитувчи 3 нафар
Коллежда жами 5-йўналиш бўйича талабалар таҳсил олади.
1.Тикув ва тикув тирикотаж махсулотлари ишлаб чиқариш техник технологи мутахассислиги бўйича
2. Мултимедия тизимлари ва дастурий таъминот бўйича техник
3.Телеаппаратураларни таъмирловчи уста
4 Маиший хизмат техника ва касса аппаратларини таъмирловчи уста
5 Жисмоний тарбия ва болалар спорти бўйича мураббий
Жами ўқувчилар сони 578та 1-босқич 220 нафар 2-босқич-140 нафар 3-босқич-218 нафар талаба таҳсил олади .
Коллежда 5 та кафедра мавжуд бўлиб
1 Ижтимоий гуманитар фанлар кафедраси
2 Аниқ ва табий фанлар кафедраси
3 Тилшунослик кафедраси
4 Жисмоний тарбия ва ватанпарварлик кафедраси
5 Маиший хизмат кафедраси
Республика кўрик танловларида ўқувчилар иштироки мавжуд эмас.
Коллежнинг француз тили фани ўқитувчиси Холова Шахноза Давроновна ’’Йилнинг энг ёш фаол ўқитувчиси-2014 ’’кўрик танловини вилоят босқичида фахрли 3-ўринни эгаллади .